Gate 2019: கேட் தேர்வு 2019 - விண்ணப்பிக்க செப்., 21 கடைசி

2019ஆம் ஆண்டுக்கான கேட் தேர்வுக்கு செப்டம்பர் 21ஆம் தேதி வரை விண்ணப்பங்கள் வரவேற்கப்படுகின்றன.

கேட் எனப்படும் தேர்வு இந்திய அறிவியல் கழகமும் ஏழு இந்திய தொழில்நுட்பக் கல்வி நிறுவனங்களும் இணைந்து நடத்தும் தேசிய அளவிலான தேர்வாகும். ஐஐஎஸ்சி, ஐஐடி போன்ற தொழில்நுட்பக் கல்வி நிறுவனங்களில் எம்.டெக்., எம்.இ. மற்றும் பி.ஹெச்.டி. போன்ற மேற்படிப்புகளில் சேர இத்தேர்வு நடத்தப்படுகிறது

இதில் தேர்ச்சி பெறும் மாணவர்கள் மனிதவள மேம்பாட்டு அமைச்சகத்தின் பல மேற்படிப்புகளில் சேர தகுதி பெறுவர். நாடு முழுவதும் உள்ள பொறியியல் மற்றும் தொழில்நுட்பக் கல்வி நிறுவனங்களில் அரசு நிதி உதவியுடன் சேர முடியும்.

2019ஆம் ஆண்டுக்கான இந்தத் தேர்வுக்கு விண்ணப்பங்கள் ஆகஸ்ட் 31ஆம் தேதி முதல் செப்டம்பர் 21ஆம் தேதி வரை வரவேற்கப்படுகின்றன. https://appsgate.iitm.ac.in என்ற இணையதளத்திற்குச் சென்று விண்ணப்ப்தை சமர்ப்பிக்கலாம்.

இத்தேர்வு 2019ஆம் ஆண்டு பிப்ரவரி 2,3,9 மற்றும் 10 ஆகிய தேதிகளில் நடைபெறும். முன்னதாக ஜனவரி 4ஆம் தேதி அட்மிட் கார்டு வழங்கப்படும். மார்ச் 16, 2019 அன்று முடிவுகள் வெளியாகும்.