டெல்லி, மும்பை ஐஐடி மாணவர்களுக்கு மட்டும் வலைவீசும் கூகுள்?

நடப்பாண்டில் இன்னும் சில நாட்களில் துவங்க இருக்கும் ஐஐடி நேர்முகத்தேர்வு, டெல்லி மற்றும் மும்பையில் உள்ள ஐஐடிக்களில் மட்டும் நடத்தப்படும் என்று கூகுள் நிறுவனம் தெரிவித்துள்ளது.

கூகுள் நிறுவனம் ஒவ்வொரு ஆண்டும் இந்தியாவில் உள்ள முன்னணி ஐஐடி நிறுவனங்களுக்கு சென்று நேர்முகத்தேர்வு நடத்தி மாணவர்களை பணிக்கு அமர்த்தி வருகிறது. கடந்த 10 ஆண்டுகளுக்கும் மேலாக இதுபோல் இந்திய மாணவர்கள் வேலை வாய்ப்பு பெற்று கூகுள் நிறுவனத்தில் பணியாற்றி வருகின்றனர். தற்போது கூகுள் நிறுவனத்தின் தலைமை நிர்வாக அதிகாரியாக இருக்கும் சுந்தர் பிச்சையும் காரக்பூரில் உள்ள ஐஐடி-யில் உயர் கல்வி படித்து, பின்னர் அமெரிக்கவில் படித்தவர்.

நடப்பாண்டில் காரக்பூர், கான்பூர், சென்னை மற்றும் கவுகாத்தியில் உள்ள ஐஐடி நிறுவனங்களில் நேர்முகத்தேர்வு இருக்காது என்ற தகவல் வெளியாகியுள்ளது. மேலும், கல்வி நிறுவனங்களை உள் அடக்காமல், நேரடியாக , மாணவர்களை பணியில் அமர்த்தலாம் என்று கூகுள் திட்டமிட்டு இருப்பதாகவும். இதற்கு சில ஐஐடி நிறுவனங்கள் எதிர்ப்பு தெரிவித்து வருவதாகவும் செய்தி வெளியாகியுள்ளது.

கூகுள் நிறுவனம் பணிக்கு எடுக்கும் மாணவர்களுக்கு ரூ. 1 முதல் 2 கோடி வரை ஆண்டு வருமானம் அளித்து பணிக்கு அமர்த்துகிறது. கடந்த ஆண்டில் மட்டும் டெல்லி, மும்பை, காரக்பூர், கான்பூர், சென்னை ஐஐடி நிறுவனங்களில் இருந்து 20 மாணவர்களை கூகுள் நிறுவனம் பணிக்கு எடுத்தது என்பது குறிப்பிடத்தக்கது.

When the Indian Institutes of Technology (IITs) start campus recruitments in a few weeks, Google will only attend those at Delhi and Bombay and give the rest a miss for the first time in about a decade.