JEE Advanced Admit Card: வெளியீடு!

ஜே.இ.இ அட்வான்ஸ் தேர்வுக்கான நுழைவுச்சீட்டு வெளியிடப்பட்டுள்ளது. மாணவர்கள் இதனை jeeadv.nic.in என்ற இணையதளத்தில் இருந்து பெற்றுக் கொள்ளலாம்.

உத்தரகாண்ட் மாநிலம், ஹரித்துவார் மாநிலம் ரூர்கியில் செயல்பட்ட வரும் இந்திய தொழில்நுட்ப கழகத்தின் சார்பில் நடத்தப்படும் ஜே.இ.இ அட்வான்ஸ் தேர்வுக்கான நுழைவுச் சீட்டு இன்று வழங்கப்படுகிறது. இந்தாண்டு மொத்தம் 2 லட்சத்து 45 ஆயிரம் மாணவர்கள் ஜே.இ.இ அட்வான்ஸ் தேர்வு எழுதுவதற்கு தகுதி பெற்றுள்ளனர். மாணவர்கள் ஜே.இ.இ.,யின் அதிகாரப்பூர்வ இணையதளமான jeeadv.nic.in என்ற பக்கத்தில் சென்று தங்களது பதிவு எண், பிறந்த தேதி, இமெயில் ஐடி, மொபைல் நம்பர், ஆகியவற்றை பயன்படுத்தி ஹால் டிக்கெட்டைப் பெற்றுக் கொள்ளலாம். ஜே.இ.இ தேர்வு வரும் 27ம் தேதி நடக்கிறது. காலை 9 மணி முதல் 12 மணி வரையில் தாள் 1 தேர்வும்,பிற்பகல் 2 மணி முதல் 5 மணி வரையில் தாள் 2 தேர்வும் நடக்கிறது.

ஜே.இ.இ ஹால் டிக்கெட்டை பதிவிறக்கம் செய்த பிறகு, அதில் மாணவர்களின் பெயர், வகுப்பு, பதிவு எண், தேர்வு தேதி, தேர்வு மையம் உள்ளிட்ட சுயவிபரங்கள் அனைத்தும் சரியாக உள்ளதா என்பதை பார்த்து சரிசெய்து கொள்ளும்படி அறிவுறுத்தப்படுகிறார்கள். நுழைவுச் சீட்டில் பிழை இருப்பின், உடனடியாக தேர்வு அலுவலர்களின் கவனத்துக்கு கொண் சென்று சரி செய்ய வேண்டும். நுழைவுச் சீட்டு இல்லாத மாணவர்கள் தேர்வு எழுத அனுமதிக்கப்பட மாட்டார்கள். இது பற்றிய முழுமையான விபரங்களுக்கு ஜே.இ.இ.,யின் அதிகாரப்பூர்வ இணையதளத்தைப் பார்க்கவும்.