ஐஐடியில் சேர்வதற்கான ஜேஇஇ (அட்வான்ஸ்டு) தேர்வு முடிவுகள் வெளியீடு!

சென்னை : இந்தியாவில் உள்ள ஐஐடி கல்வி நிறுவனங்களில் சேர்வதற்கான ஜேஇஇ (அட்வான்ஸ்டு) தேர்வு முடிவுகள் வெளியாகியுள்ளது.

1.29 லட்சம் மாணவர்கள் மற்றும் 29000 மாணவிகள் என மொத்தம் 1,59,540 பேர் தேர்வு எழுதினர். இதில் 50,455 பேர் தேர்ச்சி பெற்றுள்ளனர். இதில் 43,318 மாணவர்களும், 7,137 மாணவிகளும் தேர்ச்சி பெற்றுள்ளனர். அதாவது 86 சதவீத மாணவர்கள், 14 சதவீத மாணவிகள் ஆவர். இவர்கள் அனைவரும் ஐஐடி கல்வி நிறுவனங்களில் உள்ள 10,000 சீட்களுக்கு விண்ணப்பிக்க தகுதி உடையவர்கள் ஆவர்.

பொதுப்பிரிவில் 23,390 மாணவர்களும், ஓபிசி பிரிவில் 9,043 பேரும், எஸ்சி பிரிவில் 13,312 மாணவர்களும், எஸ்டி பிரிவில் 4,710 மாணவர்களும் தேர்ச்சி பெற்றுள்ளனர். இந்திய அளவில் ஹரியானாவை சேர்ந்த சர்வேஷ் மெஹ்தானி என்ற மாணவரும், தென்னிந்தியாவில் கேரளாவை சேர்ந்த சஃபில் மஹீன் என்ற மாணவரும் முதலிடம் பிடித்துள்ளனர். தேர்ச்சி பெற்ற மாணவர்களின் செல்போனுக்கு குறுஞ்செய்தி அனுப்பப்படும் என்றும் ஐஐடி நிர்வாகம் தெரிவித்துள்ளது.