பொறியியல் படிப்புக்கு விண்ணப்பிக்க இன்று கடைசி நாள்

சென்னை: தமிழகத்தில் பொறியியல் படிக்க விரும்பும் மாணவர்கள் ஆன்லைனில் விண்ணப்பங்களை சமர்ப்பிக்க இன்று கடைசி நாள் என தெரிவிக்கப்பட்டுள்ளது.

அண்ணா பல்கலைக்கழகம் நடத்தும் பொறியியல் மாணவர் சேர்க்கைக்காக கடந்த ஏப்ரல் 15ஆம் தேதி தொடங்கிய ஆன்லைன் வழி விண்ணப்பப் பதிவு இன்று மாலையுடன் நிறைவு பெறுகிறது. பூர்த்தி செய்த விண்ணப்பங்களை நேரில் சமர்ப்பிக்க ஜூன் 4ஆம் தேதி கடைசி நாளாகும்.

இதுவரை 2,48,760 மாணவர்கள் பதிவு செய்துள்ளனர். அதில் 1,80,334 மாணவர்கள் கட்டணம் செலுத்தியுள்ளதாக தெரிவிக்கப்பட்டுள்ளது. பொறியியல் படிப்புக்கான விண்ணப்பங்களை ஆன்லைன் முறையில் பதிவு செய்யும் முறை இந்த ஆண்டு முதல் அறிமுகப்படுத்தப்பட்டுள்ளது.