எம்.பி.பி.எஸ்,பி.டி.எஸ் ரேண்டம் எண் வெளியீடு..!

கடந்த சில வாரங்களாக மருத்துவ படிப்புகளான எம்.பி.பி.எஸ் மற்றும் பி.டி.எஸ் படிப்புகளுக்கான விண்ணப்பங்கள் வழங்கப்பட்டு வந்தன.பூர்த்தி செய்யப்பட்ட 21,913 விண்ணப்பங்கள் நேரடியாகவும், இணையதளத்தின் மூலம் பூர்த்தி செய்யப்பட்டு 5,104 விண்ணப்பங்களும் பெறப்பட்டன.

இந்நிலையில் விண்ணப்பித்த மாணவர்களுக்கான பத்து இலக்கங்கள் கொண்ட ரேண்டம் எண் இன்று மாலை வெளியிடப்பட்டது.www.thehealth.org என்ற இணையதளத்தில் வெளியிடப்பட்ட இந்த ரேண்டம் எண்களை தொடர்ந்து, வரும் 17-ஆம் தேதி மருத்துவ தரவரிசை பட்டியல் வெளியாக உள்ளது.

மேலும் வரும் 20-ஆம் தேதி மருத்துவப்படிப்புகளுக்கான கலந்தாய்வு தொடங்கும் எனவும் மருத்துவ கல்வி இயக்குனரகம் தெரிவித்துள்ளது.தமிழகத்தில் உள்ள அரசு மற்றும் தனியார் மருத்துவக்கல்லூரிகளில் 2,853 இடங்களும், பல் மருத்துவக்கல்லூரிகளில் 1,054 இடங்களும் இருப்பது குறிப்பிடத்தக்கது.