NEET Exam 2019 : முக்கிய அறிவிப்பு

2019 ஆம் ஆண்டுக்கான நீட் தேர்வை தேசிய தேர்வு முகமை(NTA)நடத்த உள்ள நிலையில், சில முக்கிய மாற்றங்கள் செய்யப்படுவதாக தகவல் வெளியாகியுள்ளது.

மருத்துவ மாணவர் சேர்க்கையில் வெளிப்படைத்தன்மையைக் கொண்டு வரும் நோக்கில் நாடு முழுவதும் உள்ள இளநிலை மற்றும் முதுநிலை மருத்துவ மாணவர் சேர்க்கைக்கு தேசிய அளவில் நீட் பொது நுழைவுத்தேர்வை மத்திய அரசு அறிமுகப்படுத்தியது. இந்த தேர்வை 2018 ஆம் ஆண்டுவரை சிபிஎஸ்இ நடத்தியது,

இந்நிலையில் இனி நீட் தேர்வை மனிதவள மேம்பாட்டு அமைச்சகத்தால் அமைக்கப்பட்ட தேசிய தேர்வு முகமை நடத்தும் என்று அறிவிக்கப்பட்டது.

2019 ஆண்டு முதல் நீட் தேர்வைதேசிய தேர்வு முகமை நடத்தும். ஆண்டு ஒரு முறை நடத்தப்பட்ட நீட் தேர்வு, இந்த ஆண்டு முதல் 2 முறை நடைபெறும்.மேலும் தேர்வுக்கான தேதியை தேர்வு எழுதும் மாணவர்களே தேர்ந்தெடுக்கும்படி வழிவகை செய்யப்பட்டுள்ளது.

2019 ஆம் ஆண்டு பிப்ரவரி மாதம் நடைபெறும் நீட் தேர்வு பிப்ரவரி 1 முதல் 17 ஆம் தேதிக்குள் நடைபெறும். இதற்கான அறிவிப்பு2018 அக்டோபர் மாதம் இணையத்தில் வெளியாகும்.இதுபோலவே மே மாதம் நடைபெறும் நீட் தேர்வுமே 12 முதல் மே 26 ஆம் தேதிக்குள் நடைபெறும். இதற்கான அறிவிப்பு 2019 ஆம் ஆண்டின் மார்ச் இரண்டாவது வாரத்தில் இணையத்தில் வெளியாகும்.

நீட் தேர்வு இனி கணினியில் நடைபெறும். எளிய கேள்விகளிலிருந்து கடினமான கேளவிகளுக்கு செல்லும்படியாக கேள்விகள் வடிவமைக்கப்படும். முன்பே அறிவித்தப்படிநீட் தேர்வின்பாடத்திட்டத்தில் மாற்றங்கள் இருக்காது.