நீட் 2019: விண்ணப்பிக்க இன்னும் 10 நாட்கள் மட்டுமே இருக்கிறது!

NTA எனப்படும் தேசிய தேர்வு ஏஜென்சி கடந்த நவம்பர் ஒன்றாம் தேதி முதல் நீட் 2019 தேர்விற்கான விண்ணப்பங்களை ஆன்லைனில் பெற்று வருகின்றன. இதற்கான கடைசி நாள் நவம்பர் 30ஆம் தேதி ஆகும்.

https://ntaneet.nic.in/Ntaneet/Welcome.aspx என்ற இணையதளத்தில் விண்ணப்பித்த பிறகு, மாணவர்கள் ஒரு மாதத்திற்குள் விண்ணப்பக் கட்டணத்தைச் செலுத்த வேண்டும்.

நடப்பாண்டில் விண்ணப்பக் கட்டணத்தில் எந்தவித மாற்றமும் இல்லை. SC/ST/PwD/OBC மற்றும் மூன்றாம் பாலினத்தைச் சேர்ந்த மாணவர்கள் ரூ.750, பிற மாணவர்கள் ரூ.1,400 செலுத்த வேண்டும்.

வரும் ஜனவரி 14 முதல் 31, 2019 தேதி வரை விண்ணப்பங்களில் திருத்தம் மேற்கொள்ள கால அவகாசம் தரப்படும். அடுத்த ஆண்டு மே 5ஆம் தேதி பிற்பகல் 2 மணி முதல் 5 மணி வரை நீட் தேர்வு நடத்தப்பட உள்ளது.

கடந்த ஆண்டு நீட் தேர்வு காலை நேரத்தில் நடத்தப்பட்டதால் கிராமப்புற மாணவர்கள் பெரும் சிரமத்தைச் சந்தித்தனர். சிலர் தேர்வை தவறவிட்டனர். உரிய நேரத்தில் தேர்வுக்கூடத்தை அடையவில்லை. நீட் 2019 தேர்வின் முடிவுகள் ஜூன் 5ல் வெளியிடப்படும்.