ரயில்வேயில் சாஃப்ட்வேர் பணி?

புதுதில்லி: மத்திய ரயில்வே வாரியத்தின் கீழ் இயங்கி வரும் ரயில்வே தகவல் அமைப்பு மையத்தில் (Centre for Railway Information Systems) இளநிலை மென்பொறியாளர் மற்றும் இளநிலை நெட்வொர்க் பொறியாளர் பிரிவில் காலியாக உள்ள 54 இடங்களை நிரப்புவதற்கான விண்ணப்பங்கள் வரவேற்கப்படுகின்றன.

இந்த காலி பணியிடங்களுக்கு மத்திய அரசு நிபந்தனைகளின்படி இட ஒதுக்கீடு வழங்கப்பட்டு நிரப்பப்படுகிறது. இதற்கு விண்ணப்பிக்க விரும்புவோர் 22 வயது முதல் 28 வயதுக்குள் இருக்க வேண்டும்.

காலியாக உள்ள 40 இளநிலை மென்பொருள் பொறியாளர் (Junior Software Engineer) பதவிக்கு விண்ணப்பிப்பவர்களுக்கான கல்வித் தகுதி: பி.எஸ்சி., கணினி அறிவியல் அல்லது பி.சி.ஏ., அல்லது சி.எஸ். பிரிவில் மூன்று வருட டிப்ளமோ படிப்பை முடித்திருக்க வேண்டும்.

அதேபோல், காலியாக உள்ள 14 இளநிலை நெட்வொர்க் பொறியாளர் (Junior Network Engineer) பதவிக்கு விண்ணப்பிப்பவர்கள் எலக்ட்ரானிக்ஸ் அல்லது எலக்ட்ரானிக்ஸ் தொடர்புடைய பிரிவுகளில் 3 வருட டிப்ளமோ படிப்பை முடித்திருக்க வேண்டும்.

இதற்கான ஆன்லைன் எழுத்துத் தேர்வு சென்னை உட்பட முக்கிய மையங்களில் நடத்தப்படும். ஆன்லைன் முறையில் மட்டுமே விண்ணப்பங்களை பூர்த்தி செய்ய முடியும். பூர்த்தி செய்யப்பட்ட விண்ணப்பங்களை அனுப்ப 14-02-2017 கடைசி நாள் என்று தெரிவிக்கப்பட்டுள்ளது. இது குறித்து மேலும் தகவல் அறிய https://cdn.digialm.com/EForms/html/form50900/Instruction.html என்ற இணையதளத்தை காண அறிவுறுத்தப்பட்டுள்ளது.

Software Engineer job vacancy in Indian Railways.