TN Free NEET Training: உணவு, தங்குமிடம் வசதியுடன் இலவச ‘நீட்’ தேர்வு பயிற்சி! வரும் 25ம் தேதி முதல் துவக்கம்!

நீட் தேர்வுக்கான தமிழக அரசின் இலவச பயிற்சி வகுப்புகள், வரும் மார்ச் 25ம் தேதி முதல் துவங்க உள்ளது. மாணவர்களின் நலனில் அக்கறை கொண்டு உணவு, தங்குமிடம் வசதி செய்யப்பட்டுள்ளது.

பிளஸ் 2 மாணவர்கள், மருத்துவத்துறையில் படிப்பதற்கு நீட் நுழைவுத் தேர்வில் அதிக மதிப்பெண்கள் பெற்று தேர்ச்சி பெற வேண்டும். இதற்காக தனியார் பள்ளிகள், தனியார் பயிற்சி மையங்களில் மாணவர்களுக்கு கட்டண அடிப்படையில் சிறப்பு வகுப்புகள் எடுக்கப்பட்டு வருகிறது.

இந்நிலையில், தமிழக அரசின் சார்பில் பிளஸ் 2வில் அறிவியல் பாடப்பிரிவு மாணவர்களுக்கு இலவசமாக நீட் தேர்வுக்கு பயிற்சி அளிக்கப்படுகிறது. இதில் கலந்து கொள்வதற்கு மாணவர்கள் ஏற்கனவே விண்ணப்பித்திருக்க வேண்டும். தற்போது அரசின் இலவச நீட் தேர்வு பயிற்சிக்கு, மாநிலம் முழுவதிலும் சுமார் 4,000 மாணவர்கள் தேர்ந்தெடுக்கப்பட்டு உள்ளனர். நேற்று பிளஸ் 22 தேர்வுகள் முடிவடைந்த நிலையில், வரும் 2ம் தேதி முதல் நீட் இலவச பயிற்சி வகுப்புகள் துவங்கப்பட உள்ளது. தேர்வு செய்யப்பட்ட மாணவர்கள் தவறாமல் இந்த பயிற்சி வகுப்பில் கலந்து கொள்ள வேண்டும் என்று தெரிவிக்கப்பட்டுள்ளது.

இதற்காக தூத்துக்குடி, கோவை, திருவள்ளூர், ஈரோடு, காஞ்சிபுரம் உள்ளிட்ட இடங்களில் சிறப்பு ஏற்பாடுகள் செய்யப்பட்டுள்ளது. அடிப்படை தேவைகளான உணவு, தங்குமிட வசதிகள் ஏற்படுத்தப்பட்டுள்ளன. நீட் தேர்வு பயிற்சி கொடுப்பதற்காக அரசு மற்றும் அரசு உதவி பெறும் பள்ளிகளில் இருந்து பிரத்யேகமாக ஆசிரியர்கள் நியமனம் செய்யப்பட்டுள்ளனர்.