ஆப்நகரம்

பிளஸ் டூ மாணவர்களுக்கு அற்புத வாய்ப்பு; அரசு சார்பில் ஆடிட்டர் பயிற்சி: அமைச்சர் செங்கோட்டையன்!

ஈரோடு: தமிழகத்தில் சிறந்த மாணவர்கள் தேர்வு செய்யப்பட்டு, ஆடிட்டர் பயிற்சி வழங்கப்படும் என்று அமைச்சர் செங்கோட்டையன் தெரிவித்துள்ளார்.

Samayam Tamil 28 Oct 2018, 2:48 pm
ஈரோடு மாவட்டம் கோபிசெட்டிபாளையத்தில் அமைந்துள்ள கீரிப்பள்ள ஓடையானது ஈரோடை அமைப்பு மூலம் தூர்வாரப்பட உள்ளது. இதற்கான நிகழ்ச்சியை இன்று காலை பள்ளிக்கல்வித்துறை அமைச்சர் செங்கோட்டையன் தொடங்கி வைத்தார்.
Samayam Tamil Sengottaiyan


இதையடுத்து செய்தியாளர்களிடம் பேசிய அவர், தமிழக முதலமைச்சர் பழனிசாமி, துணை முதலமைச்சர் ஓ.பன்னீர்செல்வம் தலைமையில் அரசு சிறப்பான திட்டங்களை செயல்படுத்தி வருகிறது. கல்வித்துறையில் பல்வேறு மாற்றங்கள் படிப்படியாகக் கொண்டு வரப்படுகின்றன.

அரசுப் பள்ளிகளில் 52,000 குழந்தைகளுக்கு எல்.கே.ஜி, யு.கே.ஜி வகுப்புகள் தொடங்கப்பட உள்ளது. புதிய பாடத் திட்டங்கள் கொண்டு வரப்படும். பள்ளிகளில் மாணவிகளுக்கு பாலியல் தொந்தரவு அளித்தால், கடும் நடவடிக்கை எடுக்கப்படும்.

தமிழகத்தில் சிறந்த ஆடிட்டர்களை உருவாக்க பிளஸ் 2 முடித்தவுடன் ஆடிட்டர் படிப்பிற்கு பயிற்சி அளிக்கப்படுவர். இதற்காக மாவட்ட வாரியாக 25,000 மாணவர்கள் தேர்வு செய்யப்பட்டு, சிறந்த ஆடிட்டர்களைக் கொண்டு முதன்மைத் தேர்வு எழுத பயிற்சி அளிக்கப்படும்.

இந்தப் படிப்பில் தாய்மொழிக்கு முன்னுரிமை அளிக்கப்படும். அதேபோல் ஆங்கில வழிக் கல்விக்கு அரசுப் பள்ளிகளில் வாய்ப்பு ஏற்படுத்தித் தரப்படும் என்றார்.

அடுத்த செய்தி