தலையெழுத்தா இருக்கே! தினமும் ஸ்கூலுக்கு போணுமா? வைரல் சிறுவனின் கியூட் வீடியோ!

பூமர் காலத்து குழந்தைகளாக இருந்தாலும் சரி, 2K குழந்தைகளாக இருந்தாலும் சரி காலையில் எழுந்து பள்ளிக்கு செல்ல வேண்டுமென்றால் அவ்வளவு கஷ்டம். அதற்காகவே காலையில் 9 மணி வரை வயிற்று வலி வந்தது போல் நடித்து விட்டு அதற்கு மேல் விளையாட போகும் சிறுவர்கள் கூட இருக்கிறார்கள். இங்கே, ஒரு 2K குழந்தை உடம்பு சரில, என்ன போய் ஸ்கூலுக்கு போக சொல்றீங்களே என்று அழுது தலையில் அடித்து கொள்ளும் வீடியோ ஒன்று வைரலாக பரவி வருகிறது. இந்த வீடீயோவை ஆசிரியர் ஒருவர் தனது ட்விட்டர் பக்கத்தில் பகிர்ந்துள்ளார்.


அந்த வீடியோவில் அழுதுகொண்டே தலையில் அடித்து கொண்டு “தலையெழுத்தா ,இருக்கே” என்று கூறும் அந்த சிறுவன் எனக்கு மட்டும் தலையெழுத்து என்று அழுகிறான். நேத்துக்கு ஒரு நாள்தான் போனேன், இன்னைக்கும் போணுமா? ஏன் என்ன இப்டி கஷ்டப்படுத்துறீங்க சொல்லுங்க! ஒரு உடம்பு சரி இல்லாத குழந்தையை இப்டி பாடுபடுத்தலாமா சொல்லுங்க, இது நியாயமா உங்களுக்கு? எல்லாம் என் தலையெழுத்து என்று பெரிய மனிதன் போல அழுது கொண்டே ஸ்கூலுக்கு செல்கிறான். இந்த வீடியோ தான் தற்போது இணையத்தில் வைரலாகி வருகிறது.

இது போன்று அடிக்கடி சுட்டி குழந்தைகள் க்யூட்டாக செய்யும் செயல்கள் இணையதளங்களில் வைரலாகி விடுகின்றன. அந்த வரிசையில் இந்த சுட்டி குழந்தையும் பலரின் மனதை ஒரே வீடியோவில் ஆக்கிரமித்து விட்டான்.