12 வகுப்பு தேர்வு : மறு கூட்டல் , மறுமதிப்பீடு முடிவுகள் வெளியீடு

சென்னை : 12வகுப்பு பொதுத் தேர்வில் மறு கூட்டல் மற்றும் மறு மதிப்பீடுக்கு விண்ணப்பித்தவர்களுக்கான முடிவுகள் இணையத்தில் வெளியிடப்பட்டுள்ளது.

இதுகுறித்து அரசு தேர்வுகள் துறை வெளியிட்டுள்ள செய்தி குறிப்பில் , "மதிப்பெண் மாற்றம் உள்ள தேர்வர்களின் பதிவு எண்கள் கொண்ட பட்டியல் scan.tndge.in என்ற இணையதளத்தில் (ஜூன் 20) செவ்வாய்க்கிழமை வெளியிடப்பட்டுள்ளது. இந்தப் பட்டியலில் இல்லாத பதிவு எண்களுக்கான விடைத்தாள்களில் எவ்வித மதிப்பெண் மாற்றமும் இல்லை.

மதிப்பெண் மாற்றம் உள்ள தேர்வர்கள் www.dge.tn.nic.in என்ற இணையதளத்தில் செவ்வாய்க்கிழமை பிற்பகல் 3 மணி முதல் தங்களது பதிவு எண் மற்றும் பிறந்த தேதி ஆகிய விவரங்களை பதிவு செய்து திருத்தப்பட்ட மதிப்பெண்கள் அடங்கிய தாற்காலிக மதிப்பெண் சான்றிதழ்களின் நகலைப் பதிவிறக்கம் செய்து கொள்ளலாம் " என்று அதில் குறிப்பிடப்பட்டுள்ளது.

TN PLUS 2 revaluation / recounting result announced