ஒரே நாளில் TET, B.Ed., தேர்வுகள்! மாணவ, மாணவிகள் அவதி!

டெட் மற்றும் பி.எட் ஆகிய இரு தேர்வுகளும் ஒரே நாளில் நடப்பதால், எதை எழுதுவது என்று தெரியாமல் மாணவ, மாணவிகள் குழப்பமடைந்துள்ளனர். எனவே, தேர்வு தேதிகள் மாற்றியமைக்கும்படி கோரிக்கைகள் எழுந்துள்ளது.

தமிழகத்தில் ஆசிரியர் கல்வியியல் பல்கலைக்கழகத்தின் இளநிலை, முதுநிலை தேர்வுகள் இம்மாதம் 29ம் தேதியிலிருந்து அடுத்த மாதம் 13ம் தேதி வரையில் நடக்கிறது. ஆசிரியர் படிப்பில் இரண்டாமாண்டு இளநிலை மாணவர்கள் ‘ஆசிரியர் தகுதி தேர்வு’ எழுத தகுதியுடையவர்கள் ஆவர்.

இந்நிலையில், தமிழகத்தில் ஆசிரியர் தகுதித் தேர்வுக்கான தேதிகள் நேற்று அறிவிக்கப்பட்டது. அதன்படி, ஜூன் 8 மற்றும் 9 ஆகிய தேதிகளில் டெட் தேர்வுகள் நடைபெறுகிறது. ஏற்கனவே, அந்த தேதிகளில் பல்கலைக்கழகத் தேர்வும் நடைபெறுகிறது. இரு தேர்வுகளும் ஒரே நாளில் நடப்பதால், எந்த தேர்வை எழுதுவது என்று தெரியாமல் மாணவர்கள் குழப்பத்தில் உள்ளனர். இரு தேர்வுகளும் பாதிக்கப்படாதவாறு தேர்வு தேதிகள் மாற்றியமைக்குமாறு மாணவர்கள் வலியுறுத்தியுள்ளனர்.