இன்று முக்கியமான நாள்! நீங்கள் அறிய வேண்டிய அறிவியல் தினம்!!

National Science Day: இன்று பிப்ரவரி 28 தேசிய அறிவியல் தினமாக கொண்டாடப்படுகிறது ஒவ்வொரு முக்கிய தினங்களுக்கு பின்னனியில், ஒரு முக்கிய தலைவர், அறிவியல் அறிஞர்களின் பிறந்த நாள், நினைவு நாளாக இருக்கும். ஆனால், தேசிய அறிவியல் தினம் முற்றிலும் மாறுபட்டதாக அமைந்துள்ளது.

உலக நாடுகள் வியக்கும் வகையில், பல அறிவியல் அறிஞர்கள், விஞ்ஞான, மெய்ஞான மேதைகளை இந்தியா கொண்டிருக்கிறது. அந்த வகையில், இயற்பியலில் நோபல் பரிசு பெற்று, உலக விஞ்ஞானிகளுக்கு ‘இராமன் விளைவு’ கண்டுபிடித்து அறிமுகம் செய்தவர் சர் சி.வி. இராமன். இவர் தன்னுடைய ‘இராமன் விளைவு’ ஆய்வை சமர்பித்த நாள் பிப்ரவரி 28. அதுவே தேசிய அறிவியல் தினமாக கொண்டாடப்படுகிறது.

இயற்பியலில் இராமன் விளைவு என்பது ஒளிச்சிதறல் கோட்பாட்டிற்கு மிகமுக்கிய பங்கு வகிக்கிறது. அதாவது, ஒரு பொருள் வழியே ஒற்றை ஒளி செல்லும் போது, அந்த ஒற்றை கதிர் சிதறலடைகிறது. அவ்வாறு சிதறலடையும் ஒளியானது அதன் அலைநீளத்தில் மாற்றம் ஏற்பட்டு, புதிய அதிர்வெண்களை கொண்டிருக்கும். இதுவே இராமன் விளைவு ஆகும்.



ஒவ்வொரு ஆண்டும் தேசிய அறிவியல் அறிவியல் தினத்துக்கு ஒரு கொள்கை பின்பற்றப்பட்டு வருகிறது. நடப்பு 2020 ஆம் ஆண்டு தேசிய அறிவியல் தினத்தின் கொள்கையாக ‘அறிவியல் பெண்கள்’ (Women in Science) அறிவிக்கப்பட்டுள்ளது. இதனை மெய்பிக்கும் விதமாக கடந்தாண்டு இஸ்ரோ தலைவர் சிவன், சந்திரயான் 3 திட்டத்துக்கு பெண்கள் தலைமை ஏற்க அதிக வாய்ப்புள்ளதாக அறிவித்திருந்தார். இஸ்ரோ மட்டுமில்லாது, அணு ஆராய்ச்சிக் கழகம், பாதுகாப்பு ஆராய்ச்சி மேம்பாட்டுக் கழகம் உள்ளிட்ட முக்கிய ஆராயச்சிக் கூடங்களில் பெண் ஆராய்ச்சியாளர்களுக்கு முன்னுரிமை அளிக்கப்படுகிறது.

மைக்ரோசாப்ட், கூகுளையே தன் கைக்குள் அடக்கிய சென்னை மாணவர்!

தேசிய அறிவியில் தினம், இந்நாளில் அறிவியிலின் அத்தியாவசியம், உலக இயல்பு வாழ்க்கையில் அறிவியிலின் பயன்பாடுகள் எந்த அளவுக்கு உள்ளது என பொதுமக்கள், மாணவர்களுக்கு ஊடகங்கள் வாயிலாக விழிப்புணர்வு செய்யப்படுகிறது. குறிப்பாக மாணவர்கள், இளையோர்களுக்கு அறிவியல் ஆர்வத்தை அதிகரிக்கும் வகையில், அறியவில் மையங்களிலும், பல்கலைக்கழகங்கள், பள்ளி, கல்லூரிகளில் சிறப்பு நிகழ்ச்சிகள் நடத்தப்படுகிறது.