நாடு முழுவதும் ஊரடங்கு பிறப்பிக்கப்பட்டுள்ளது. கல்வி நிறுவனங்கள் மூடப்பட்டு விட்டன. இப்படியான சூழலில் அடுத்து வரக்கூடிய பருவத்தேர்வுகளை எதிர்கொள்ள மாணவர்கள் மிகுந்த சிரமத்துக்கு உள்ளாகியுள்ளனர். இந்த நிலையில், மாணவர்கள் வீட்டிலிருந்து கற்றலை தொடருவதற்கு யுஜிசி வழிவகை செய்துள்ளது.
மேலும்,பல்கலைக்கழக, கல்லூரி நிறுவனங்கள் தங்களுடைய கற்றல் – கற்பித்தல் இணையதளங்களை இலவசமாக மாணவர்களுக்கு வழங்க வேண்டும் என்றும் கேட்டுக் கொண்டுள்ளது. ஏற்கனவே, மத்திய அரசின் தகவல் தொழில்நுட்ப கல்வித் திட்டங்கள் (ITC) மூலம் மாணவர்கள் வீட்டிலிருந்து படிப்பதற்கு ஏதுவாக சில இணையதள விவரங்களை வெளியிட்டுள்ளது.
Swayam Online Courses
ஸ்வயம் ஆன்லைன் கோர்ஸஸ். இது இலவச கற்றல் கற்பித்தல் படிப்புகளை வழங்கும் மத்திய அரசின் இணையதளமாகும். இதில் மாணவர்கள் தங்களை பதிவு செய்து கொள்ள வேண்டும். இதன் மூலம் சிறந்த ஆன்லைன் கல்வி நிறுவனங்களை தொடர்பு கொள்ள முடியும்.
இதில் இன்ஜினியரிங் படிப்புகள், இன்ஜினியரிங் அல்லாத படிப்புகள் தனித்தனியாக கொடுக்கப்பட்டுள்ளது. மேலும், NCERT பாநூல்கள், ஆன்லைன் புத்தங்கள் ஆகியவற்றுக்கான லிங்குகளும் கொடுக்கப்பட்டுள்ளது
ஸ்வயம் இணையதள லிங்க்:
http://storage.googleapis.com/uniquecourses/online.html
UGC Moocs
யுஜிசி மூக்ஸ். இந்த இணையதளமும் ஸ்வயம் ஆன்லைன் கற்றலின் ஒரு அங்கம் ஆகும். இதில் எல்லா இளநிலை, முதுநிலை பட்டப்படிப்புகளுக்கான பாடங்கள் தொகுத்து வழங்கப்பட்டுள்ளது. மாணவர்கள் தங்களுக்கான பாடப்பிரிவுக்கு ஏற்ற பாடங்களை ஆன்லைன் மூலமாகவே படிக்க முடியும்.
முதுநிலையில் 86 பாடப்பிரிவுகளும், இளநிலையில் 222 பாடப்பிரிவுகளும் தனித்தனியாக கொடுக்கப்பட்டுள்ளது. மாணவர்கள் தங்களுடைய செமஸ்டர் தேர்வுக்கு எந்த பாடம் படிக்க வேண்டுமோ, நேரடியாக அதனை க்ளிக் செய்து படிக்கலாம்.
இதற்கான லிங்க்
http://ugcmoocs.inflibnet.ac.in/ugcmoocs/moocs_courses.php
epathshala
இ பாடசாலா. இது மத்திய அரசின் தகவல் தொடர்பு தொழில்நுட்ப கற்றல் இணையதளம் ஆகும். இந்த இணையதளத்தில் முக்கிய பாடங்களுக்கான இ புத்தகங்கள் கொடுக்கப்பட்டுள்ளது. மத்திய அரசின் மனிதவளத்துறையால் உருவாக்கப்பட்ட இந்த திட்டத்தின் மூலம் மாணவர்கள் வீட்டில் இருந்தபடியே படிக்கலாம். இது பற்றிய முழுமையான விவரங்களுக்கு இ பாடசாலா அதிகாரப்பூர்வ இணையதளத்தைப் பார்க்கவும்.
http://epgp.inflibnet.ac.in/
cec
சிஇசி: இந்த இணையதளத்தில் சுமார் 87 இளநிலை பட்டப்படிப்புகளுக்கான 24,110 பாடங்கள் பதிவேற்றம் செய்யப்பட்டுள்ளது. இது தவிர முக்கிய பாடங்களுக்கான வீடியோக்களும் உள்ளது. வியாஸ் என்ற சேனலும் இதில் இணைக்கப்பட்டுள்ளது. அதை க்ளிக் செய்து பார்த்தால், ஆன்லைன் வகுப்புகளை 24 மணி நேரமும் பார்க்கமுடியும்.
NDL
தேசிய நவீன நூலகம். இந்த இணையதளத்தில் பிரைமரி முதல் முதுநிலை பட்டப்படிப்புகள் வரையில் எக்கச்சக்க புத்தக குறிப்புகள் கிடைக்கிறது. தமிழ் உட்பட 70க்கும் மேற்பட்ட மொழிகளில் உள்ளது. அறுபதுக்கும் மேற்பட்ட கற்றல் வளங்கள் தொகுக்கப்பட்டுள்ளது. அதாவது தொழில்நுட்பம், அறிவியல், சமூகவியல், வேளாண்மை என பலதரப்பட்ட துறைகளுக்கான புத்தகங்கள் கிடைக்கிறது. ஒட்டு மொத்தமாக கிட்டத்தட்ட 10 மில்லியன் புத்தங்கள் இருப்பதாக கூறப்படுகிறது. இது பற்றி மேலும் தெரிந்து கொள்ள இங்கு க்ளிக் செய்யவும்
https://ndl.iitkgp.ac.in/
VIDWAN
வித்வான். இந்த இணையதளமானது வித்தகர்களைப் பற்றிய விவரங்களை மாணவர்களுக்கு எடுத்துரைக்கிறது. அதாவது, சிறந்த பேராசிரியர்கள், ஆராய்ச்சியாளர்கள், ஆராய்ச்சி உதவித் தொகை வழங்கும் அமைப்புகளை தொடர்பு கொள்ள முடியும். கிட்டத்தட்ட 50 ஆயிரம் நிபுணர்களின் விவரங்கள், 5 ஆயிரத்துக்கும் மேற்பட்ட அமைப்புகளைப் பற்றி தெரிந்து கொள்ளலாம். வேளாண்மை, வேதியியல், உயிரியல், கலை, இயற்பியல், சமூக அறிவியல், மருத்துவ அறியவியல் உள்ளிட்ட பல துறைகளில் உள்ளவர்களைப் பற்றி தெரிந்து கொள்ள முடியும்.
வித்வான் இணையதளத்தின் லிங்க்:
https://vidwan.inflibnet.ac.in/
ShodhGanga
சோத்கங்கா: இது ஆராய்ச்சி படிப்பு படிக்கின்ற மாணவர்களுக்கான இணையதளம் ஆகும். இந்த இணையதளத்தில் சுமார் 2.6 லட்சம் ஆராய்ச்சிக் கட்டுரைகள் இடம் பெற்றுள்ளன. தற்போது ஆராய்ச்சி படிப்பு படிக்கும் மாணவர்கள், தங்களுடைய ஆராய்ச்சி கட்டுரைகளையும் இதில் பதிவு செய்து கொள்ளலாம்.
சுமார் 428 பல்கலைக்கழகங்கள் இந்த சோத்கங்காவுக்கு பங்களிப்பு அளிக்கின்றன. 511 பல்கலைக்கழகங்கள் புரிந்துணர்வு ஒப்பந்தம் செய்துள்ளது. இது பற்றிய முழுமையான விவரங்களுக்கு நேரடியாக சோத்கங்கா இணையதளத்தைப் பார்க்கவும்.
https://shodhganga.inflibnet.ac.in/
கல்வி மற்றும் வேலைவாய்ப்பு தொடர்பான சந்தேகங்களை, கீழ்காணும் கருத்துப்பெட்டியில் கமென்ட் செய்யலாம்.