ஆர்.கே நகர் 20 ரூபாய் ஞாபகம் இருக்கா? : சத்தீஸ்கரில் ரூ.10 க்கு என்ன தருகிறார்கள் தெரியுமா?

ஓட்டுக்காக இலவசங்கள், பரிசுப் பொருட்கள் வழங்குவது வாடிக்கையாகிவிட்டது. சத்தீஸ்கரில் இதுபோன்ற வித்தியாசமான சம்பவம் அரங்கேறியுள்ளது.

தமிழகத்தில் மறைந்த முதல்வர் ஜெயலலிதாவின் தொகுதியான ஆர்.கே நகர் தொகுதியில், அவர் மறைவுக்கு பின்னர் இடைத்தேர்தல் நடந்தது.

அப்போது ஓட்டுக்காக சில குறியீடு கொண்ட ரூ. 20 நோட்டு கொடுக்கப்பட்டது. அதற்கு பதிலாக வெற்றி பெற்ற பின்னர் பணம் வழங்கப்படும் என கூறப்பட்டதாக பலர் தெரிவிக்கின்றனர்.

சத்தீஸ்கரில் 10 ரூபாய் :
ஆர்.கே நகரில் 20 ரூபாய் கொடுத்து பின்னர் பணம் வழங்கப்படும் என கூறப்பட்டதைப் போல, சத்தீஸ்கரில் கோர்பா பகுதியில் தனக்கு ஓட்டு போட வேண்டும் என சிலர் 10 ரூபாய் வழங்கியதாகவும். அந்த 10 ரூபாய் கொடுத்து 1 கிலோ கோழிக் கறியை பெற்றுக் கொள்ளலாம் என கூறப்பட்டுள்ளது. இதையடுத்து 10 ரூபாயை கொடுத்து கோழிக்கறியை சிலர் வாங்கி சென்றுள்ளனர்.

இந்த தகவலை அறிந்த தேர்தல் ஆணைய அதிகாரிகள் கோழிக்கறி மற்றும் பத்து ரூபாயை நோட்டுகளை பறிமுதல் செய்தனர்.