தேவகவுடாவை சந்திக்க கர்நாடகா விரைகிறார் குலாம் நபி அசாத்

கர்நாடகா தேர்தல் களத்தில் காங்கிரஸ் பின்னடவை சந்தித்து வரும் நிலையில் மதசார்பற்ற ஜனதா தளம் கட்சியின் தலைவர் தேவகவுடாவை சந்திக்க, குலாம் நபி ஆசாத் கர்நாடகா விரைகிறார்.

கர்நாடக சட்டமன்ற தேர்தல் முடிவுகள் வெளிவரும் நிலையில், ஆட்சியமைக்க தேவையாக மேஜிக் எண் 113ஐ நெருங்கி வருகிறது பாஜக. தற்போதைய நிலவரப்படி கர்நாடகாவில் காங்கிரஸ்- 67, பாஜக- 112 மற்றும் ஜெடிஎஸ்- 40 தொகுதிகளில் முன்னிலையில் உள்ளது.

ஆட்சி அமைப்பதற்கான பெரும்பான்மை தொகுதிகளை பாஜக நெருங்கி வருகிறது. இந்நிலையில் காங்கிரஸ் கட்சி மஜத உடன் இணைந்து கூட்டணி அமைத்திட வியூகம் வகுத்து வருகிறது.

இதற்கான பேச்சு வார்த்தைகள் தொடங்கியுள்ளதாக தற்போது தகவல்கள் தெரிவிக்கின்றன. மேலும் மாநிலங்களவையில் காங்கிரஸின் எதிர்கட்சி தலைவரான குலாம் நபி அசாத், மஜத தலைவர் தேவகவுடாவை சந்திக்க கர்நாடாக விரைகிறார்.

தேர்தல் முடிவுகள் முழுவதுமாக வெளியான பிறகே கூட்டணி குறித்து முடிவெடுக்கப்படும் என மஜத தலைவர் தேவகவுடா தெரிவித்துள்ளார். இதற்கிடையில் செய்தியாளர்களை சந்தித்த மத்திய அமைச்சர் சதானந்த கவுடா யாருடைய தயவும் இல்லாமல் கர்நாடகாவில் பாஜக தனித்து ஆட்சி அமைக்கும் என்று தெரிவித்துள்ளார்.