மத்தியப் பிரதேசம் சட்டமன்ற தேர்தல் முடிவுகள்: 114 இடங்களை கைப்பற்றி பாஜகவை விரட்டியடித்த காங்கிரஸ்!

மத்தியப் பிரதேசம் மாநிலத்தில் முழுமையான தேர்தல் முடிவுகள் வெளியானதைத் தொடர்ந்து காங்கிரஸ் 114 இடங்களை கைப்பற்றி அமோக வெற்றி பெற்றுள்ளது என்பது குறிப்பிடத்தக்கது.

மத்தியப்பிரதேச மாநிலத்தில் கடந்த நவம்பர் 28ம் தேதி ஒரே கட்டமாக சட்டமன்ற தேர்தல் நடந்தது. இதைத் தொடர்ந்து நேற்று காலை 8 மணி முதல் வாக்கு எண்ணிக்கை தொடங்கியது. மொத்தம் 230 தொகுதிகளைக் கொண்ட மத்தியப்பிரதேச மாநிலத்தில், ஆட்சி அமைப்பதற்கு 116 இடங்களில் வெற்றி பெற்றிருக்க வேண்டும். இந்த மாநிலத்தில், ஆளும் பாஜக மற்றும் காங்கிரஸ் இடையே கடும் போட்டி நிலவியது.

Also Read This: மத்தியப் பிரதேசம் சட்டமன்ற தேர்தல் முடிவுகள்: பாஜக ஆட்சியை பறித்த காங்கிரஸ்

Also Read This: வெறும் 50 ஆயிரம் ஓட்டு வித்தியாசத்தில் ஒரு மாநில ஆட்சியை நழுவ விட்ட பாஜக



இந்த நிலையில், 24 மணிநேரத்திற்குப் பிறகு முழுமையாக வெளியான வாக்கு எண்ணிக்கை அடிப்படையில், 230 தொகுதிகளைக் கொண்ட மத்தியப்பிரதேச மாநிலத்தில், காங்கிரஸ் 114 இடங்களில் வெற்றி பெற்றுள்ளது. பாஜக 109 இடங்களிலும், சுயேட்சைகள் 4 இடங்களிலும், பகுஜன் சமாஜ் கட்சி 2 இடங்களிலும், சமாஜ்வாதி ஒரு இடத்திலும் வெற்றி பெற்றுள்ளன. இங்கு யாருக்கும் பெரும்பான்மை இல்லை.

இந்த நிலையில், சமாஜ்வாதி கட்சி காங்கிரஸ்க்கு ஆதரவு தருவதாக அறிவித்துள்ளது. இதன் மூலம், காங்கிரஸ்க்கு 115 இடங்கள் கிடைத்துள்ளது. இந்த நிலையில், 116 இடங்கள் இருந்தால் மட்டுமே ஆட்சியமைக்க முடியும் என்ற சூழலில் ஏற்கனவே பகுஜன் சமாஜ்வாதி கட்சியின் தலைவர் மாயாவதி காங்கிரஸ் கட்சிக்கு ஆதரவு தருவதாக அறிவித்துள்ளார் என்பது குறிப்பிடத்தக்கது. இந்த அறிவிப்பின் மூலம் காங்கிரஸ் கட்சிக்கு 117 இடங்கள் கிடைத்துள்ளது.

மத்தியப்பிரதேச மாநிலத்தில் தேர்தல் முடிவுகளில் பாஜக பின்னடைவை சந்தித்தாலும், வாக்குகளின் அடிப்படையில் முன்னிலை பெற்றுள்ளது. ஒட்டு மொத்தமாக பாஜக 41 சதவீதம் (1,56,42,980) வாக்குகளும், காங்கிரஸ் 40.9 சதவீதம் (1,55,95,153) வாக்குகளும் பெற்றுள்ளது. இந்த இரு கட்சிகளுக்கும் இடையிலான வாக்குகளின் வித்தியாசம் 47,827 மட்டுமே என்பது குறிப்பிடத்தக்கது.