Assembly election: ராஜஸ்தான், தெலுங்கானா மாநிலங்களுக்கு இன்று தேர்தல்!

ராஜஸ்தானில், முதல்வர் வசுந்தரா தலைமையில், பா.ஜ., ஆட்சி நடக்கிறது. மொத்தம், 200 சட்டசபை தொகுதிகளில், 4.77 கோடி வாக்காளர்கள் உள்ளனர். இந்நிலையில், ஆல்வார் மாவட்டத்தின் ராம்கர் சட்டசபை தொகுதியில், பகுஜன் சமாஜ் சார்பில் போட்டியிட்ட வேட்பாளர், மரணமடைந்தார்.

இதனால் அங்கு தவிர்த்து மற்ற 199 தொகுதிகளில், இன்று ஓட்டுப்பதிவு நடக்கிறது. 2,247 வேட்பாளர்கள் போட்டியிடுகின்றனர். 189 பேர் பெண்கள். இதில் பா.ஜ.க., சார்பாக பிரதமர் மோடி, ராஜ்நாத் சிங் உள்ளிட்டோரும், காங்கிரஸ் வேட்பாளர்களுக்கு ஆதரவாக, ராகுல், பிரசாரத்தில் ஈடுபட்டனர்.

இதே போல தெலுங்கானாவில், மொத்தம், 119 சட்டசபை தொகுதிகளில், 2.80 கோடி வாக்காளர்கள் உள்ளனர். இதில் 1,821 வேட்பாளர்கள் போட்டியிடுகின்றனர். தெலுங்கானா ராஷ்ட்ரீய சமிதி, 119 தொகுதிகளில் போட்டியிடுகிறது. காங்கிரஸ் , 99 இடங்களிலும், கூட்டணி கட்சிகளான தெலுங்கு தேசம், 13 இடங்களிலும், இந்திய கம்யூனிஸ்ட் மூன்று இடங்களிலும் போட்டியிடுகின்றது.
பா.ஜ., 118 இடங்களில் போட்டியிடுகிறது. இவ்விரு மாநிலத்திலும் இன்று காலை, 8:00 மணிக்கு ஓட்டுப் பதிவு துவங்குகிறது. ஐந்து மாநிலங்களுக்கான ஓட்டு எண்ணிக்கை, வரும் 11ம் தேதி நடக்கிறது; அன்று மாலை முடிவுகள் அறிவிக்கப்படும்.