Rajendra Balaji: பாலாஜியை தரிசிக்க சென்ற ராஜேந்திர பாலாஜி

தமிழக சட்டமன்ற தேர்தலின் வாக்கு எண்ணிக்கைக்கு இன்னும் இரு வாரங்கள்கூட இல்லை. ஸ்ட்ராங் ரூம் சிசிடிவி காட்சிகளை பார்த்தபடியே இருக்கிறார்கள். கருத்துக் கணிப்புகள் ஒரு பக்கம் அதிமுகவுக்குள் கிலியை ஏற்படுத்தியுள்ள நிலையில் அமைச்சர்கள் பலரும் ஆடிட்டர்கள் உதவியுடன் தங்களை தற்காத்துக் கொள்ள முயற்சித்து வருவதாக கூறுகிறார்கள்.சிலர் கோயில்கள், பூஜைகள், யாகங்கள் என வேறு சில முயற்சிகளில் ஈடுபடுகின்றனர். அந்தவகையில் அமைச்சர் ராஜேந்திர பாலாஜி திருப்பதி சென்று ஏழுமலையானை தரிசித்துள்ளார்.

திமுக அமைச்சரவை பட்டியல்: ஸ்டாலின் டிக் அடிக்கும் பெயர்கள்!

தேவஸ்தான அதிகாரிகள் ராஜேந்திர பாலாஜிக்கு தீர்த்த பிரசாதங்களை வழங்கினர். கோயிலுக்கு வெளியே செய்தியாளர்களைச் சந்தித்தார். அப்போது பேசிய அவர், “தமிழகத்தில் ஆட்சி மாற்றத்திற்கு வாய்ப்பில்லை. தமிழகத்தில் தொடர்ந்து 3ஆவது முறையாக அதிமுக அரசு பதவியேற்கும். முதல்வராக எடப்பாடி பழனிசாமி மீண்டும் பதவியேற்பார். கொரோனா பரவலை தடுக்க தமிழக அரசு அனைத்து நடவடிக்கைகளையும் எடுத்து வருகிறது.

அதிமுக நிர்வாகிகளும், தொண்டர்களும் யாருக்கும் அடிமையாக இல்லை. தேர்தல் நேரத்தில் எவ்வாறு சுயமாக செயல்பட்டோம் என்பதை அனைவரும் பார்த்திருப்பார்கள். சுயமாக சிந்தித்து தொண்டர்களை நம்பி செயல்படக்கூடிய மாபெரும் இயக்கம் அதிமுக” என்று ராஜேந்திர பாலாஜி பேசினார்.

திமுகவுக்கு இத்தனை இடங்களா? ஐ பேக்கின் லேட்டஸ்ட் ரிப்போர்ட்!

ராஜேந்திர பாலாஜியின் வேண்டுதலுக்கு என்ன பலன் கிடைக்கப் போகிறது என்பதை மே 2ஆம் தேதி பார்த்துவிடலாம்.