திமுகவிற்கு சாதகமான சூழல்
தமிழகத்தின் அனைத்து சட்டமன்ற தொகுதிகளிலும் திமுகவிற்கு சாதகமான சூழல் நிலவுகிறது. தேர்தல் பிரச்சாரம் தொடங்கி வாக்குப்பதிவு நாள் வரை ஆளுங்கட்சிக்கு எதிரான மனநிலையில் தான் வாக்காளர்கள் இருந்தனர். அதனை வாக்குப்பதிவு நாளன்று சரியாக வெளிப்படுத்தியுள்ளனர். இதுபற்றி நாங்களே நேரடியாக கேட்டு அறிந்துள்ளோம் என்றனர்.
அமோக வெற்றி நிச்சயம்
இதுதொடர்பாக பேசிய மன்னார்குடி தொகுதி திமுக வேட்பாளர் டி.ஆர்.பி ராஜா, திமுகவிற்குள் உற்சாகமான சூழல் காணப்படுகிறது. எத்தனை தொகுதிகளில் வெல்வோம் என்று கணிக்க தயாராக இல்லை. ஆனால் திமுக கூட்டணிக்கு அமோக வெற்றி மட்டும் நிச்சயம். தேர்தல் முடிவுகள் வெளியாக பல வாரங்கள் இருக்கின்றன. அதற்குள் ஆட்சி அமைப்பதை பற்றி பேச வேண்டியதில்லை. மே 2ஆம் தேதி வரை காத்திருப்போம் என்று தெரிவித்துள்ளார்.
இரவு 10 மணிக்கு நடந்த மீட்டிங்; முதல்வர் பழனிசாமியை பதறவைத்த விஷயம்!
அதிமுகவால் பாதகம்
விழுப்புரத்தை சேர்ந்த திமுக பிரமுகர் ஒருவர் கூறுகையில், தேர்தல் பிரச்சாரம் முழுவதிலும் திமுகவினர் மிகுந்த உற்சாகத்துடன் செயல்பட்டனர். சில தொகுதிகளில் 10.5 சதவீத இடஒதுக்கீடு காரணமாக பாமகவிற்கு ஓரளவு வாக்குகள் கிடைத்துள்ளன. ஆனால் ஒட்டுமொத்தமாக அப்படியான சூழல் இல்லை. அதிமுகவால் பாமகவிற்கு எதிர்மறையான விஷயங்கள் தான் நடந்திருக்கின்றன. இதனை தேர்தல் முடிவுகள் தெளிவாக காட்டிவிடும் என்றார்.
திருமணமான 2வது வாரத்தில் தற்கொலைக்கு முயன்ற பிக் பாஸ் பிரபலம்
தமிழகம் முழுவதும் உற்சாகம்
முன்னாள் பள்ளிக்கல்வித்துறை அமைச்சரும், திருச்சுழி தொகுதி திமுக வேட்பாளருமான தங்கம் தென்னரசு கூறுகையில், கட்சிக்குள் இருக்கும் உற்சாக மனநிலை மாநிலம் முழுவதும் காணப்படுகிறது. கூட்டணி கட்சிகளை சிறப்பான முறையில் தலைவர் மு.க.ஸ்டாலின் கையாண்டார். என்னுடைய தொகுதி நிலவரத்தை பற்றி கட்சி தலைமையிடம் பகிர்ந்து கொண்டேன். இதேபோல் தான் தமிழகம் முழுவதும் இருப்பதை அறிய முடிந்தது என்றார்.
EVM மெஷின்களுக்கு ஆபத்தா? திமுக ’செஞ்சுரி’ டீம் போட்ட மெகா பிளான்!
மே 2ல் மக்கள் தீர்ப்பு
சென்னை மாநகரத்தின் முன்னாள் மேயரும், சைதாப்பேட்டை தொகுதி திமுக எம்.எல்.ஏவுமான மா.சுப்பிரமணியன், சென்னையில் திமுகவினர் மிகுந்த மகிழ்ச்சியாக இருக்கின்றனர். வாக்குப்பதிவிற்காக பலரும் சென்னையில் இருந்து சொந்த ஊருக்கு கிளம்பி சென்றுள்ளனர். இங்கேயே தங்கியிருக்கும் பலர் கொரோனா அச்சம் காரணமாக வாக்களிக்க வரவில்லை. சென்னையில் குறைவான வாக்குகள் பதிவாகி இருப்பதால் தேர்தல் முடிவுகளில் எதுவும் மாறப் போவதில்லை. மக்கள் ஏற்கனவே முடிவு செய்துவிட்டார்கள். திமுக மிகப்பெரிய வெற்றியை நோக்கி சென்று கொண்டிருக்கிறது என்று கூறினார்.