தமிழகத்தின் அடுத்த முதல்வா் யாா்? கருத்துக்கணிப்பில் வெளியான அதிா்ச்சி தகவல்

தமிழகத்தின் அடுத்த முதல்வராக திமுக தலைவா் ஸ்டாலின் வரவேண்டும் என்று பண்பாடு மக்கள் தொடா்பகம் நடத்திய கருத்துக் கணிப்பில் தொிவிக்கப்பட்டுள்ளது.

மக்களவை, சட்டப்பேரவை இடைத்தோ்தல் ஏப்ரல் 18ம் தேதி நடைபெறவுள்ள நிலையில் சென்னை லயோலா கல்லூாி முன்னாள் மாணவா்களின் பண்பாடு மக்கள் தொடா்பகம் அமைப்பு சாா்பில் தமிழகம், புதுவை ஆகிய பகுதிகளில் கருத்துக் கணிப்பு நடத்தப்பட்டது. 21 ஆயிரத்து 464 மக்களிடம் நடத்தப்பட்ட கருத்துக் கணிப்பின் முடிவுகள் இன்று வெளியிடப்பட்டுள்ளது.

அதன்படி தமிழகத்தில் நடைபெறவுள்ள 18 தொகுதிகளுக்கான சட்டப்பேரவை இடைத்தோ்தல்களில் திமுக 9 முதல் 11 தொகுதிகளில் வெற்றி பெறும் என்று தொிவிக்கப்பட்டுள்ளது. ஆளும் கட்சியான அதிமுக 1 அல்லது 2 தொகுதிகளில் மட்டுமே வெற்றி பெறும் என்றும், டிடிவி தினகரன் தலைமையிலான அமமுக 3 முதல் 4 தொகுதிகளில் வெற்றி பெறும் என்று தொிவிக்கப்பட்டுள்ளது.

இதே போன்று மக்களவைத் தோ்தலில் திமுக கூட்டணி 27 முதல் 33 தொகுதிகளிலும், அதிமுக கூட்டணி 3 முதல் 5 தொகுதிகளிலும், டிடிவி தினகரன் தலைமையிலான அமமுக 1 முதல் 2 தொகுதிகளிலும் வெற்றி பெற வாய்ப்பு உள்ளதாக தொிவிக்கப்பட்டுள்ளது.

தமிழகத்தில் ஆட்சி மாற்றம் ஏற்படும் பட்சத்தில் அடுத்த முதல்வராக யாா் வரவேண்டும் என்று கேட்கப்பட்ட கேள்விக்கு திமுக தலைவா் ஸ்டாலின் என்று 31 சதவிகித மக்களும், பன்னீா்செல்வம், பழனிசாமி அணி என்று 22 சதவிகிதம் மக்களும், அமமுக துணைப்பொதுச் செயலாளா் டிடிவி தினகரன் வரவேண்டும் என்று 20 சதவிகித மக்களும் விருப்பம் தொிவித்துள்ளனா்.