’அங்குட்டு போவியா? போட்டோ பிடிக்கறாங்கள்ள?!’ மோடியை கலாய்த்த நடிகர் சித்தார்த்!

நாடு முழுவதும் 7 கட்டங்களாக மக்களவை தேர்தல் நடக்கிறது. வரும் 11ஆம் தேதி தொடங்கி, மே 19ஆம் தேதி வரை நடைபெறுகிறது. இதற்கான வாக்கு எண்ணிக்கை வரும் மே 23ல் நடத்தப்பட்டு, முடிவுகள் அறிவிக்கப்பட உள்ளன.

இதையொட்டி பல்வேறு கட்சிகளும் தீவிர வாக்கு சேகரிப்பில் ஈடுபட்டு வருகின்றன. பிரதமர் மோடி பல்வேறு மாநிலங்களில் சூறாவளி சுற்றுப்பயணம் மேற்கொண்டு வருகிறார்.

இதற்கிடையில் பாஜகவினர் தங்களுடைய பெயருக்கு முன்னால், பாதுகாவலர்கள் என்று பொருள்படும் ’சவுக்கிதார்’ என்ற அடைமொழியை சேர்த்துக் கொண்டனர். இது நாடு முழுவதும் பேசு பொருளானது.

இந்நிலையில் நடிகர் சித்தார்த், பிரதமர் மோடியின் வீடியோ ஒன்றை சமூக வலைத்தளத்தில் பதிவிட்டுள்ளார். அதில், தனக்கு முன்னால் இருக்கும் நபரை நகரச் சொல்லிவிட்டு, போட்டோவிற்கு போஸ் கொடுக்கிறார்.

இதற்கு அங்குட்டு போவியா? போட்டோ பிடிக்கிறாங்கள்ள?! என்று குறிப்பிட்டு பகிர்ந்துள்ளார். இது தற்போது வைரலாகி வருகிறது.