யார் இந்த வி.ஏழுமலை? ஆரணியில் களமிறங்கும் அதிமுக வேட்பாளரின் பின்னணி!

வரும் ஏப்ரல் 18ஆம் தேதி, தமிழகத்தில் மக்களவை தேர்தல் நடைபெற உள்ளது. இதற்காக பல்வேறு கட்சிகளும் தங்கள் வேட்பாளர்களை அறிவித்துள்ளன. அதன்படி, ஆரணி மக்களவை தொகுதியில் அதிமுக வேட்பாளராக வி. ஏழுமலை போட்டியிடுகிறார். இவர் குறித்த விவரங்களை இங்கே காணலாம்.

விழுப்புரம் மாவட்டம் அண்ணமங்கலத்தைச் சேர்ந்தவர் வி.ஏழுமலை(63). இவர் பி.காம்., பி.எல் பட்டதாரி. வழக்கறிஞராகவும், விவசாயமும் செய்து வருகிறார். இவரது மனைவி ராஜாராணி. மகள் டாக்டர். நந்தினி. மகன் யோகேஷ்வரன்.

கடந்த 2001 முதல் 2006 வரை செஞ்சி சட்டமன்ற உறுப்பினராக இருந்தார். 2014 முதல் 2019 ஆரணி நாடாளுமன்ற உறுப்பினராக இருக்கிறார். விழுப்புரம் வடக்கு மாவட்டத்தின் எம்.ஜி.ஆர் மன்ற செயலாளராக பணியாற்றியுள்ளார்.

கடந்த 1989ல் சேவல் சின்னத்தில் போட்டியிட்டு தோல்வி அடைந்தார். இவரது மனைவி ராஜாராணி, 1996 - 2001 காலக்கட்டத்தில் மேல்மலையனூர் நகராட்சி சேர்மனாக இருந்துள்ளார். 2001 - 2006, 2006 - 2011 ஆகிய இரண்டு முறையும் ஒன்றிய குழு உறுப்பினராக இருந்தார்.