LK Sudhish: அதிமுக வாக்கு வங்கியை நம்பி களமிறங்கும் சுதீஷ்... வெற்றி முரசு அடிப்பாரா?

இந்த முறை மக்களவை தேர்தல் மற்றும் தமிழக சட்டமன்ற இடைத்தேர்தலில் அதிமுக, திமுக.,வில் பல வாரிசு அரசியல்வாதிகள் களமிறகப்பட்டுள்ளனர்.

கடந்த 2009ம் ஆண்டு தொகுதி சீரமைப்புக்கு பின்னர் கள்ளக்குறிச்சி தனி தொகுதியாக அறிவிக்கப்பட்டது. இருப்பினும் 1970களி இருமுறை மக்களவை தொகுதியாக இருந்தது.

வேகமாக வளர்ந்து வரும் பகுதியாக கள்ளக்குறிச்சி இருப்பதால், இதனை சேலம் மற்றும் விழுப்புரம் மாவட்ட பகுதிகளை கொண்டு தனி மாவட்டமாக உருவாக்கப்படுவதாக தமிழக அரசு அறிவித்தது.

2014 மக்களவை தேர்தலில் அதிமுக காமராஜ் வேட்பாளர் காமராஜ், 5,33,383 வாக்குகள் பெற்று வெற்றி பெற்றார். திமுக வேட்பாளர் மணிமாறன் 3,09,876 வாக்குகள் பெற்றார். பாஜக கூட்டணியில் தேமுதிக வேட்பாளர் ஈஸ்வரன் 1,64,183 வாக்குகளும், காங்கிரஸ் வேட்பாளர் தேவதாஸ் 39,677 வாக்குகளும் பெற்றனர்

தற்போது தேமுதிக - திமுக இடையே நேரடி போட்டி ஏற்பட்டுள்ளது. இதில் தேமுதிக சார்பில் விஜய்காந்த் மைதுனரான சுதீஸ் கள்ளக்குறிச்சி தொகுதியில் போட்டியிடுகிறார். அதே போல் திமுக சார்பில் திமுக மூத்த தலைவர் பொன்முடியின் மகன் கெளதம சிகாமணி போட்டியிடுகிறார்.

வாரிசு அரசியல்:
இந்த தேர்தலில் திமுக தலைவர்களான துரைமுருகன், பொன்முடியின் மகன் என அரசியல் வாரிசுகள் களமிறங்குவது போல, அதிமுகவில் ஓ பன்னீர் செல்வத்தின் மகன் போட்டியிடுகிறார்.
தேமுதிக தலைவர் விஜயகாந்த் மைத்துனர் சுதீஸ் போட்டியிடுகிறார்.