வாக்காளர் பட்டியலில் பெயர் பதிவு: குஜராத் பல்கலை., உலக சாதனை

குஜராத் மாநிலத்தில் ஒரே நாளில் அதிகமானவர்கள் வாக்காளர் பட்டியலில் பெயர் பதிவு செய்த சாதனைக்காக இங்கிலாந்தில் உள்ள உலக சாதனை நிறுவனம் சான்றிதழ் வழங்கியுள்ளது.

17வது மக்களவையைத் தேர்தல் வாக்குப்பதிவு வரும் ஏப்ரல் 11ஆம் தேதியிலிருந்து 7 கட்டங்களாக நடைபெற உள்ளது. தமிழகத்தில் ஏப்ரல் 18ஆம் தேதி ஒரே கட்டமாக வாக்குப்பதிவு நடைபெறுகிறது. கட்சிகள் ஊர் ஊராகச் சென்று அனல் பறக்கும் பிரசாரத்தில் ஈடுபட்டுள்ளன.

தமிழகத்தில் தேர்தல் ஆணையமும் 100% வாக்குப்பதிவு என்பதை இலக்காக வைத்து விழிப்புணர்வு ஏற்படுத்தி வருகிறது. இதற்காக பல்வேறு புதுமையான உத்திகளைக் கையாள்கிறது.

இந்நிலையில் குஜராத் மாநிலத்தில் அகமதாபாத்தில் உள்ள குஜராத் பல்கலைக்கழகத்தில் நடைபெற்ற வாக்காளர் பெயர் சேர்ப்பு முகாமில் ஆன்லைன் மூலம் ஒரே நாளில் அதிக இளைஞர்கள் பதிவு செய்துகொண்டனர். இதனை இங்கிலாந்தைச் சேர்ந்த உலக சாதனை புத்தக நிறுவனம் உலக சாதனையாக அங்கீகரத்து சான்றிதழ் அளித்துள்ளது.

தேர்தலை ஆணையத்துடன் ரேடியோ சிட்டி 91.1 பண்பலை மற்றும் குஜராத் பல்கலைக்கழகம் ஆகியவை இணைந்து இந்த முகாமை நடத்தின.