தென்சென்னை தொகுதியில் 670 வாக்குகள் பெற்ற பவர்ஸ்டார் சீனிவாசன்!

தென் சென்னை தொகுதியில் போட்டியிட்ட பவர் ஸ்டார் சீனிவாசன் மொத்தம் 670 வாக்குகள் பெற்றுள்ளார்.

கடந்த ஏப்ரல் 11ம் தேதி முதல் கடந்த 19ம் தேதி வரை மக்களவை தேர்தல் 7 கட்டங்களாக நடந்து முடிந்தது. மேலும், தமிழகத்தில் 22 சட்டமன்ற தொகுதிகளுக்கும் இடைத்தேர்தல் நடந்தது. இதையடுத்து, நேற்று வாக்கு எண்ணிக்கை நடந்தது. இதில், பாஜக பெரும்பாலான இடங்களில் வெற்றி பெற்றது.

தமிழகத்தைப் பொறுத்தவரை திமுக 38 தொகுதிகளில் வெற்றி பெற்றது. சிதம்பரம் மக்களவைத் தொகுதியில் போட்டியிட்ட விடுதலைச் சிறுத்தைகள் கட்சித் தலைவா் தொல்.திருமாவளவன் நீண்ட இழுபறிக்குப் பின்னா் 3,219 வாக்குகள் வித்தியாசத்தில் வெற்றி பெற்றுள்ளார்.

இந்த நிலையில், இந்திய குடியரசு கட்சி சார்பில் போட்டியிட்ட நடிகர் பவர் ஸ்டார் சீனிவாசன் 670 வாக்குகள் மட்டும் பெற்றுள்ளார். தென் சென்னை தொகுதியைப் பொறுத்தவரை திமுக வேட்பாளர் தமிழச்சி தங்கபாண்டியன் அதிக வாக்குகள் பெற்று வெற்றி பெற்றுள்ளார் என்பது குறிப்பிடத்தக்கது.