திமுக வெற்றி வாய்ப்பு எப்படி? கருணாநிதி நினைவிடத்தில் ஸ்டாலின் மரியாதை - ஆலோசனை!

தமிழகத்தில் 38 மக்களவை மற்றும் 18 சட்டமன்ற தொகுதிகளுக்கு தேர்தல் நடைபெற்றுள்ளது. விரைவில் 4 சட்டமன்ற தொகுதிகளுக்கு இடைத்தேர்தல் நடக்கவுள்ளது. மக்களவை தேர்தலை காட்டிலும், இடைத்தேர்தலுக்கு திமுக அதிக முக்கியத்துவம் செலுத்தி வருகிறது.

எப்படியாவது ஆட்சியை கைப்பற்றி அரியணையில் ஏற வேண்டும் என்று ஸ்டாலின் தீவிரம் காட்டி வருகிறார். இரு தினங்களுக்கு முன்பு, அறிஞர் அண்ணா மற்றும் கருணாநிதி நினைவிடத்தில் ஸ்டாலின் மரியாதை செலுத்தினார்.

இதையடுத்து திமுக தலைவர்களும், தொண்டர்களும் மரியாதை செலுத்தி கொண்டிருக்கின்றனர். இந்நிலையில் 2வது முறையாக மீண்டும் கருணாநிதி நினைவிடத்தில் இன்று ஸ்டாலின் மரியாதை செலுத்தியுள்ளார்.

அவருடன் துரைமுருகன், டி.ஆர்.பாலு, சேகர் பாபு, வழக்கறிஞர் வில்சன் ஆகியோர் சென்றிருந்தனர். இதையடுத்து சிறிது நேரம் அங்கேயே பேசிக் கொண்டிருந்தனர். சில முக்கிய விஷயங்கள் குறித்து ஆலோசனை நடத்தப்பட்டது.

20 நிமிடங்களுக்கு அங்கிருந்து புறப்பட்டுச் சென்றனர். மக்களவை மற்றும் இடைத்தேர்தலில் திமுக கூட்டணிக்கு பெருவாரியான வெற்றி கிடைக்க வேண்டும் என்று தீவிரம் காட்டி வருகின்றனர்.

அதற்கு உத்வேகம் பெறும் வகையில், கருணாநிதி நினைவிடத்திற்கு ஸ்டாலின் சென்றுள்ளதாக கூறப்படுகிறது. இந்த சூழலில் 4 சட்டமன்ற தொகுதி இடைத்தேர்தலில் வெற்றிக் கனியை பறிக்க திமுக பல்வேறு வியூகங்களை வகுத்து வருகிறது.