திருமாவளவனை டெபாசிட் இழக்கச் செய்யுங்கள்: வாக்காளர்களுக்கு ராமதாஸ் வேண்டுகோள்

விடுதலை சிறுத்தைகள் கட்சித் தலைவர் திருமாவளவன் தன்னால் அரசியலில் அறிமுகப்படுத்தப்பட்டவர் என்றும், அவரை டெபாசிட் இழக்கச் செய்ய வேண்டும் எனவும் பாமக நிறுவனர் ராமதாஸ் மறைமுகதேர்தல் பிரசார கூட்டத்தில் பேசினார்.

அரியலூரில் அதிமுக வேட்பாளர் அறிமுகக் கூட்டம் நடைபெற்றது. அப்போது வேட்பாளருக்கு வாக்கு சேகரிக்கும் விதமாக பாமக நிறுவனர் ராமதாஸ் கூட்டத்தில் பங்கேற்று பேசினார். இதில், ஜெயங்கொண்டம் சட்டமன்ற உறுப்பினர் ஜெ.கே.என். ராமஜெயலிங்கம், அரசு தலைமைக் கொறடா தாமரை எஸ். ராஜேந்திரன் உள்ளிட்ட தேமுதிக நிர்வாகிகள் சிலர் பங்கேற்றனர்.

அப்போது பாமக நிறுவனர் ராமதாஸ், அதிமுக வேட்பாளர் பொ. சந்திரசேகரை அறிமுகப்படுத்தி பேசினார். காடுவெட்டி குரு இல்லாத பரப்புரை கூட்டத்தில் என்னால் எதுவும் பேச இயவில்லை. ஒரே நாளில் 7 அம்பேத்கர் சிலைகளை நிறுவியவர் அவர். அதனால் அவரை நினைத்து அதிமுக வேட்பாளரை அதிக வாக்கு வித்தியாசத்தில் வெற்றி பெறச் செய்ய வேண்டும்.

மேலும் பேசிய ராமதாஸ், தான் வளர்த்த ஒருவர் (தொல். திருமாவளவன்) சமூகத்தை சீரழிக்கும் நடவடிக்கையில் ஈடுபடுவார் என எப்போதும் நான் நினைத்ததில்லை. இந்த தேர்தலில் அவருக்கு மக்கள் கொடுக்க வேண்டிய பரிசு டெபாசிட் இழக்கச் செய்வது மட்டுமே என்று ராமதாஸ் மறைமுகமாக திருமாவளவை சாடிப் பேசினார்.