ராகுலின் சொத்து மதிப்பு 5 ஆண்டுகளில் 69 சதவீதம் அதிகரிப்பு..!!

காங்கிரஸ் தலைவர் ராகுல் காந்தியின் சொத்து மதிப்பு கடந்த 5 ஆண்டுகளில் 69 சதவீதம் வரை அதிகரித்துள்ளது வயநாட்டில் அவர் தாக்கல் செய்து வேட்புமனு மூலம் தெரியவந்துள்ளது.

விரைவில் நடைபெறவிருக்கும் மக்களவை தேர்தலில், காங்கிரஸ் தலைவர் ராகுல் காந்தி உத்தரப் பிரதேச மாநிலத்தின் அமேதி மற்றும் கேரளாவில் உள்ள வயநாட்டில் போட்டியிடுகிறார்.

இதை முன்னிட்டு இன்று கேரளாவுக்கு வந்த ராகுல் காந்தி, சகோதிரி ப்ரியங்கா காந்தியுடன் வயநாட்டில் வேட்புமனுவை தாக்கல் செய்தார். அதன்பின்னர் பேரணியாக சென்று தொண்டர்கள் அளித்த உற்சாக வரவேற்பை பெற்றார்.

அதை தொடர்ந்து ராகுல் காந்தியின் வேட்புமனு சார்ந்த விவரங்கள் வெளிவந்தன. அதில் ராகுலின் மொத்த சொத்து மதிப்பு ரூ. 15.9 கோடி என அவர் குறிப்பிட்டுள்ளார். அதன்படி, அவருடைய அசையும் சொத்துக்களின் மதிப்பு ரூ. 5.8 கோடி எனவும், அசையா சொத்துக்களின் மதிப்பு ரூ. 10.08 கோடி என ராகுல் தெரிவித்துள்ளார்.

கடந்த 2014ம் ஆண்டு மக்களவை தேர்தலின் போது ராகுல் காந்தி தனது வேட்புமனுவில் குறிப்பிட்ட சொத்து மதிப்பை விட ரூ. 9.4 கோடி அளவில் அவருடைய சொத்து தற்போது அதிகரித்துள்ளது. கிட்டத்தட்ட கடந்த முறை தற்போது ராகுலின் சொத்து மதிப்பு 69 சதவீதம் உயர்ந்துள்ளது.

இதில் அவருடைய ரியல் எஸ்டேட் சொத்து மதிப்பு ரூ. 1.32 கோடியில் இருந்து ரூ. 10.8 கோடியாக அதிகரித்துள்ளார். எனினும், அவருடைய அசையும் சொத்துக்களின் மதிப்பு ரூ. 8.07 கோடியிலிருந்து ரூ. 5.8 கோடியாக குறைந்துள்ளது.

ராகுலின் சொத்து மதிப்பு அதிகரித்துள்ளதும், குறைந்துள்ளதற்கு காரணம் அவர் மேற்கொண்டுள்ள முதலீடுகள் என தெரியவந்துள்ளது. சுமார் ரூ. 5.19 கோடி வரை முதலீட்டாக ராகுல் வைத்துள்ளார். தவிர, 333.3 கிராம் தங்க நகைகளையும் கைவசம் வைத்துள்ளதாக ராகுல் காந்தி வேட்புமனுவில் அவர் தெரிவித்துள்ளார்.