குடும்பமே இல்லாத மோடி எப்படி என் குடும்பத்தை குறை கூறலாம்..? சரத்பவார் ஆவேசம்

பாரம்பரிய சூழலில் நல்லொழுக்கத்துடன் வளர்ந்த எங்கள் குடும்பத்தாரை, குடும்ப அனுபவே இல்லாத மோடி எப்படி குறை கூறலாம் என சரத்பவார் ஆவேசமாக சாடியுள்ளார்.

மக்களவைத் தேர்தலுக்கான வாக்குப் பதிவு வரும் 11ம் தேதி தொடங்கவுள்ள நிலையில், இறுதிக்கட்ட பரப்புரை நிகழ்வுகள் உச்சக்கட்டத்தை எட்டியுள்ளன. இந்தியாவின் பிரதான கட்சி தலைவர்கள் பலரும் வாக்கு சேகரிப்பில் தீவிரம் காட்டி வருகின்றனர்.

கடந்த வாரம் மஹாராஷ்டிராவில் பரப்புரை மேற்கொண்ட பிரதமர் மோடி, பொதுக்கூட்டம் ஒன்றில் பேசினார். அப்போது தேசியவாத காங்கிரஸ் தலைவர் சரத்பவாரை மிகவும் கடுமையாக சாடிப் பேசினார்.

தேசியவாத காங்கிரஸ் கட்சிக்குள் குளறுபடி ஏற்படுவதற்கு சரத்பவார் குடும்பத்தினர் தான் காரணம். சரத்பவாரின் கையில் கட்சி விலகி சென்றுவிட்டதாகவும் மோடி கடுமையாக விமர்சித்து பேசினார்.

பிரதமரின் பேச்சுக்கு பதிலடி கொடுத்த சரத்பவார், குடும்பம் பற்றிய எந்த அனுபவமும் இல்லாத ஒருவர் பாரம்பரிய சூழலில் நல்லொழுக்கத்துடன் வளர்க்கப்பட்ட என் குடும்பத்தாரை எவ்வாறு விமர்சிக்கலாம். தனது குடும்பம் எங்கே உள்ளது என்பது கூட மோடிக்கு தெரியாது. இந்நிலையில் மற்றவர் குடும்பத்தை பற்றி பேசுவது மிகவும் தவறு என சரத்பவார் மறுபடி தெரிவித்துள்ளார்.