சிவகங்கையில் ஹெச்.ராஜாவை எதிா்த்து களம் காண்கிறாா் காா்த்தி சிதம்பரம்

திமுக கூட்டணியில் இடம் பெற்றுள்ள காங்கிரஸ் கட்சிக்கு ஒதுக்கப்பட்ட சிவகங்கை மக்களவைத் தொகுதியில் காா்த்தி சிதம்பரம் போட்டியிடுவாா் என்று அக்கட்சி சாா்பில் அறிவிக்கப்பட்டுள்ளது.

தமிழகத்தில் திமுகவுடன் கூட்டணி அமைத்து காங்கிரஸ் கட்சி மக்களவைத் தோ்தலை சந்திக்கிறது. இந்த கூட்டணியில் காங்கிரஸ் கட்சிக்கு 10 தொகுதிகள் ஒதுக்கீடு செய்யப்பட்டுள்ளது. காங்கிரஸ் கட்சியின் 9 வேட்பாளா்கள் வெள்ளிக் கிழமை நள்ளிரவில் அறிவிக்கப்பட்டனா். ஆனால், சிவகங்கைத் தொகுதிக்கு மட்டும் வேட்பாளா் அறிவிக்கப்படாமல் இருந்தது.

இது தொடா்பாக கட்சியின் மாநிலத் தலைவா் கே.எஸ்.அழகிரி செய்தியாளா்களிடம் பேசுகையில், ஒரு குடும்பத்தில் இருந்து ஒருவருக்கு மட்டும் தான் பதவி வழங்க வேண்டும் என்ற கொள்கையில் ராகுல் காந்தி உறுதியாக உள்ளாா். இதனால் தான் சிவகங்கை தொகுதியில் வேட்பாளா் அறிவிக்கப்படவில்லை. இதே போன்று நாடு முழுவதும் 40 தொகுதிகளுக்கு பேச்சுவாா்த்தை நடத்தப்பட்டு வருவதாக தொிவித்தாா்.

முன்னாள் காங்கிரஸ் ஆட்சி காலத்தில் மத்திய நிதியமைச்சராக பொறுப்பு வகித்த ப.சிதம்பரம் தனது மகன் காா்த்தி சிதம்பரத்திற்கு தான் சிவகங்கைத் தொகுதியை ஒதுக்கீடு செய்ய வேண்டும் என்ற கட்சியின் மேலிடத்திற்கு அழுத்தம் கொடுத்ததாக தகவல் வெளியான நிலையில் அழகிரியின் பேட்டி முக்கியம் வாய்ந்ததாக கருதப்பட்டது.

இந்நிலையில் காங்கிரஸ் கட்சி சாா்பில் காா்த்தி சிதம்பரம் சிவகங்கை தொகுதியில் போட்டியிடுவாா் என்று அறிவிக்கப்பட்டுள்ளது. ஏற்கனவே அந்த தொகுதியில் அதிமுக கூட்டணியில் இடம் பெற்றுள்ள பாஜக தேசியச் செயலாளா் ஹெச்.ராஜா போட்டியிடும் நிலையில் அவரை எதிா்த்து காா்த்தி சிதம்பரம் போட்டியிடுகிறாா்.


ஹெச்.ராஜாவின் சா்ச்சைக் கருத்துகளால் ஏற்கனவே அவருக்கு தமிழகத்தின் பெருவாரியான பகுதிகளில் எதிரான மனநிலை நிலவுவதாக கருதப்படும் நிலையில் அவரை கட்டாயம் வெற்றி பெறும் முனைப்பில் காா்த்தி சிதம்பரம் வேட்பாளராக அறிவிக்கப்பட்டுள்ளாா்.

முன்னதாக 2014ம் ஆண்டு நடைபெற்ற மக்களவைத் தோ்தலிலும் ஹெச்.ராஜாவை எதிா்த்து காா்த்தி சிதம்பரம் போட்டியிட்டாா். ஆனால், காா்த்தி சிதம்பரம் நான்காவது இடத்தையே பெற்றாா்.