அதிமுக- பாஜக கூட்டணிக்கு பாடம் புகட்டவுள்ள விஜய் ரசிகர்கள் ?

மெர்சால், சர்க்கார் ஆகிய படங்கள் வெளியாகியபோது அதிமுக அரசு கடும் நெருக்கடி கொடுத்தது. இதனை மனதில் வைத்து தற்போது விஜய் ரசிகர்கள் கடும் கொந்தளிப்பில் உள்ளனர். அதிமுக-பாஜக கூட்டணிக்கு தக்க பதிலடி கொடுக்க அவர்கள் திட்டமிட்டுள்ளனர்.

இந்த தேர்தலில் விஜய் ரசிகர்களின் வாக்கு கண்டிப்பாக அதிமுக கூட்டணிக்கு இல்லை. இது அவர்களது வெற்றி வாய்ப்பை பாதிக்குமா என கேள்வி எழுந்துள்ளது.

விஜய் மக்கள் இயக்கத்தில் பல விஜய் ரசிகர்கள் உறுப்பினர்களாக உள்ளனர். இவர்களுக்கு ஒரு ரகசிய செய்தி அனுப்பப்பட்டதாக கூறப்படுகிறது. பாஜக-அதிமுக கூட்டணிக்கு வாக்களிக்க வேண்டாம் என அவர்களுக்கு அறிவுறுத்தப்பட்டு உள்ளது.

ஒரு விஜய் ரசிகரின் வீட்டில் அதிமுக உறுப்பினர்கள், தலைவர்கள் இங்கு வாக்கு கேட்டு வர வேண்டாம் என போர்ட் போட்டிருந்தார். இந்த புகைப்படம் சமூக வலைதளங்களில் வைரலாகியது. இதனால் இந்த செய்தி உறுதியாகிவிட்டது. முன்னதாக இது வதந்தியாக இருக்கலாம் என கருதப்பட்டது குறிப்பிடத்தக்கது.

விஜய் ரசிகர்களில் வாக்குகள் குறைவது அதிமுகவுக்கு ஒருவகையில் பின்னடைவாகவே கருதப்படுகிறது. அதிமுக இம்முறை ஆட்சியை தக்கவைக்க முயல்கிறது. கிட்டத்தட்ட வாழ்வா சாவா போராட்டத்தில் உள்ளது.

பாஜக மத்திய அரசின் ஜிஎஸ்டி வரிவிதிப்பை விஜய் மெர்சல் படத்தில் விமர்சித்ததற்காக அக்காட்சிகளை நீக்க வலியுறுத்தியது. இதுவும் விஜய் ரசிகர்கள் மத்தியில் கொந்தளிப்பை உண்டாக்கியது குறிப்பிடத்தக்கது.