கமல் பேச்சுக்கு தேசியளவில் முக்கியத்துவம் அளிக்கும் பாஜக; பின்னணி என்ன?

’கேட்சே தேசபக்தராக இருந்தார், இருக்கிறார், இருப்பார். அவரை தீவிரவாதி என மக்கள் நீதி மய்யம் கட்சித் தலைவர் கமலஹாசன் கூறுவது முறையாகாது என பாஜக மா.பி., மக்களவை வேட்பாளர் ப்ரக்ஞாயா கவுர் தெரிவித்துள்ளார்.

முன்னதாக, ஒருவர் இந்துவாக இருந்தால் அவர் நிச்சயம் தீவிரவாதியாக இருக்க முடியாது. அப்படி ஒரு தீவிரவாதி இருந்தால் அவர் நிச்சயம் இந்துவாக இருக்க முடியாது என பிரதமர் நரேந்திர மோடி கருத்து தெரிவித்து இருந்தார்.

நடிகராக இருந்து அரசியலுக்கு வந்த ஒருவருக்கு, இன்னும் ஒரு வார்ட் மெம்பர் பதவி கூட கைப்பற்றாத ஒரு புதிய கட்சியின் தலைவர் பேச்சுக்கு ஏன் பிரதமர் இவ்வளவு தீவிரமாக பதில் அளிக்கிறார் என்ற கேள்வி எழவே செய்கிறது.

மீதேன், ஹைட்ரோ கார்பன் என தமிழகத்தின் எந்த பிரச்னைக்கும் தன் மீதான குற்றச்சாட்டுக்கும் பதில் அளிக்காத பிரதமர் கமல் பேச்சுக்கு இவ்வளவு வேகமாக பதில் அளித்துள்ளது சந்தேகத்தை உண்டாக்குகிறது.

ஏற்கனவே கமல் பாஜகவின் மறைமுக ஸ்லீப்பர் செல்லாக இருக்கிறார் என்ற விமர்சனம் எழுந்தது. மற்ற பிரச்னைகளில் இருந்து மக்களை இந்து உணர்வின் மீது திசை திருப்ப, பாஜகவும் கமலும் சேர்ந்த இவ்வாறு கேம் ஆடுகிறார்களா என நடுநிலையாளர்கள் கருத்து தெரிவிக்கின்றனர்.

சாதாரண விஷயத்தை ஊதி பெரிதாக்குவது பாஜகவுக்கு புதிதல்ல. ஏற்கனவே மெர்சல் பட பிரச்னை, சோஃபியா பிரச்னை என பாஜக மீடியாக்களை பரபரப்பாக்கியது.

தற்போது அரசியலில் முக்கியத்துவம் இல்லாத ஒருவரது அறிக்கைக்கு அதிமுகவும் பாஜகாவும் இந்த அளவு கொந்தளிப்பதே இந்த சந்தேகத்துக்கு முக்கியக் காரணம்.