2014 குஜராத் வெற்றியை மீண்டும் தக்கவைக்குமா பாஜக?

குஜராத் மாநிலம் பாஜ.,வின் கோட்டையாகக் கருதப்படும் மாநிலம். இங்கு காங்., கம்யூனிஸ்ட் மற்றும் இன்ன பிற மாநில கட்சிகள் நுழைய வாய்ப்பே இல்லை என பாஜ.,வினரால் உறுதியாக நம்பப் பட்டது. குஜராத் மாநிலத்தில் மொத்தம் 26 லோக் சபா தொகுதிகள் உள்ளன. இவை அனைத்திலும் கடந்த 2014 தேர்தலில் வென்று பாஜ., சாதனை படைத்தது. தற்போது வரவுள்ள தேர்தலில் இதே வெற்றியை பாஜ., தக்கவைக்குமா என்ற கேள்வி எழுந்துள்ளது.

14 ஆயிரம் முதல் 1.68 லட்சம் வாக்குகள் வரை காங்., இத்தேர்தலில் வெல்லும் வாய்ப்பு இருப்பதாக கருத்துக்கணிப்பு முடிவுகள் கூறுகின்றன.

பனஸ்கந்தா, பதன், மேஹ்சனா, சபர்கந்தா, சுரேந்திரநகர், ஜுனாகாட், அம்ரேலி, ஆனந்த் ஆகிய தொகுதிகளில் காங்., செல்வாக்கு அதிகரித்துள்ளது என அந்த கருத்துக்கணிப்பு முடிவுகள் கூறுகின்றன.

கடந்த ஐந்தாண்டுகளில் பால் உற்பத்தியாளர்கள் கடும் சரிவை சந்தித்துள்ளனர். இவர்களுக்கான காப்பீடு, நர்மதை நதியில் இருந்து விவசாய பாசனத்துக்குத் தேவையான நீர் ஒதுக்கப்படவில்லை. 2017 வெள்ளத்துக்கு நிவாரணம் வழங்கப்படவில்லை. இளைஞர்களுக்கான வேலைவாய்ப்பு குறைந்துவருகிறது. இதுபோன்ற குற்றச்சாட்டுகள் காரணமாக காங்.,குக்கு வாக்கு வங்கி அதிகரிக்கலாம் என கூறப்படுகுறது.

தற்போதைய நிலையில் பாஜகவுக்கு 26 தொகுதிகளிலும் வெற்றி என்பது சாத்தியமில்லை எனப்படுகிறது. குறைந்தபட்சம் ஆறு தொகுதிகளில் காங்., வெல்ல வாய்ப்புகள் அதிகம் இருப்பதாக நடுநிலையாளர்கள் கூறுகின்றனர்.