குழந்தைகளை பலி வாங்கியது ப்ளூ வேல் சேலஜ் கேம்!

பல குழந்தைகள் இறப்புக்குக் காரணமாக இருந்துள்ள ப்ளூ வேல் சேலஜ் என்ற கேமை அகற்ற பேஸ்புக் உள்ளிட்ட சமூக வலைத்தள நிறுவனங்களுக்கு உச்சநீதிமன்றம் உத்தரவிட்டுள்ளது.

பேஸ்புக், இன்ஸ்டாகிராம், வாட்ஸ்அப் உள்ளிட்ட சமூக வலைத்தளங்கள் வாயிலாக அதிகம் பயன்படுத்தப்படும் கேம் ப்ளூ வேல் சேலஜ் (Blue Whale Challenge).

இந்த கேம் மூலம் இந்தியாவில் ஏராளமான குழந்தைகள் இறந்துள்ளதாக மத்திய சட்டம் மற்றும் தகவல் தொழில்நுட்பத்துறை அமைச்சர் ரவி சங்கர் பிரசாத் உச்சநீதிமன்றத்தில் தெரிவித்திருந்தார்.

இதன் அடிப்படையில் பேஸ்புக், இன்ஸ்டாகிராம், வாட்ஸ்அப் உள்ளிட்ட சமூக வலைத்தளங்கள் ப்ளூ வேல் சேலஜ் கேம் இணைப்பை நீக்க வேண்டும் என்று உச்சநீதிமன்றம் உத்தரவிட்டுள்ளது.