பெண்ணியவாதி மினா கேந்த் பிறந்தநாள் சிறப்பு கூகுள் டூடுல்

பின்லாந்து நாட்டைச் சேர்ந்த பெண்ணியவாதி மினா கேந்த்தின் 173வது பிறந்தநாளை முன்னிட்டு இன்று கூகுள் நிறுவனம் சிறப்பு டூடுல் ஒன்றை வெளியிட்டுள்ளது.

அல்ரிகா வில்ஹெல்மினா ஜான்சன் எனும் இயற்பெயரை கொண்ட மினா கேந்த், கடந்த 1844ஆம் ஆண்டு மார்ச் 19ஆம் தேதி பின்லாந்தில் உள்ள டாம்பியர் நகரில் பிறந்தார். ஐரோப்பாவில் மிகப்பெரிய சமூக மாற்றம் உண்டான காலக்கட்டத்தில் பெண்களின் உரிமைக்காக சர்ச்சைகளையும் தாண்டி தீவிரமாக போராடியவர் மினா கேந்த். இவரது பிறந்தநாளை பின்லாந்து சமூக சமத்துவ நாளாக கொண்டாடி வருகிறது. இவர் உலகின் முதல் பெண் பத்திரிக்கையாளர் என்ற பெருமைக்குரியவர்.

பத்திரிக்கையாளராக இருந்த மினா கேந்த்தின் எழுத்து திறன் மற்றும் அதற்காக அவர் மேற்கொண்ட களஆய்வுகள், அவரை பெண்ணியம் பேச தூண்டுகோலாக அமைந்தன. பெண்ணியத்துக்காக போராடும் நோக்கில் அவர் எழுதிய 'டியோமிஹேன் வைமோ' எனும் நாடகத்தில், மதுக்கு அடிமையான ஒருவர் தனது மனைவியின் பணம் மற்றும் சொத்துக்களை வீணடிப்பதை கருவாக வைத்து எழுதியிருந்தார்.

இந்த நாடகம் பல்வேறு சர்ச்சைகளை உண்டாக்கினாலும், இதனை ஏற்று பின்னிஷ் அரசாங்கம் சொத்து பிரிக்கும் புதிய சட்டத்தை நிறைவேற்றியது. இவரது எழுத்துக்கள் மற்றும் போரட்டங்களினாலே, கடந்த 1906ஆம் ஆண்டு பெண்களுக்கு வாக்குரிமை பெற்ற முதல் ஐரோப்பிய நாடு பின்லாந்து என்ற பெருமையை பெற்றது. அதைத் தொடர்ந்து அடுத்த ஆண்டே, நாடாளுமன்றத்தில் பெண்களை தேர்வு செய்த முதல் நாடு என்ற பெருமையையும் பெற்றது குறிப்பிடத்தக்கது.

உலகளவில் புகழ்பெற்ற மினா கேந்த், கடந்த 1879ஆம் ஆண்டு தனது கணவரின் மரணத்துக்குப்பின் ௭ குழந்தைகளையும், தனது குடும்பத் தொழிலான துணி வியாபாரத்தையும், தனது எழுத்து புலமையையும் ஒருசேரக் கொண்டு வளர்த்திருக்கிறார்.

Sunday's Google Doodle is a celebration of Finnish feminist icon and author-activist Minna Canth's 137 birth anniversary. She was born as Ulrika Wilhelmina Johnsson on March 19,1844 in Finland's Tampere city at a time when Europe was undergoing a drastic social change.