போட்டோவில் தானாகவே வாட்டர் மார்க் நீக்கும் கூகுள் மாயாஜாலம்

இணையத்தில் உள்ள போட்டோகளில் வாட்டர் மார்க்கை தானாகவே நீக்கும் புதிய தொழில்நுட்பத்தை கூகுள் நிறுவனம் வடிவமைத்துள்ளது.

கூகுள் மூலம் புகைப்படங்களைத் தேடும் போது சில படங்களில் வாட்டர் மார்க் இருப்பதை அனைவரும் பார்த்திருப்போம். அடோப், கெட்டி இமேஜஸ், ஷட்டர் ஸ்டாக்ஸ் போன்ற ஏராளமான பல நிறுவனங்கள் தங்கள் போட்டோகளை பிறர் விலை கொடுத்து வாங்காமல் பயன்படுத்துவதை தடுக்க, வாட்டர் மார்க் என்ற அடையாளத்தை போட்டோகளில் சேர்க்கின்றனர்.

வாட்டர் மார்க் உள்ள படங்களில் இருந்து அவற்றை நீக்குவது போட்டோஷாப்பில் நன்கு திறமை படைத்தவர்களுக்கே கடினமான வேலை. ஆனால், அந்த வேலையை எந்த கஷ்டமும் இல்லாமல் தானாகவே நீக்கவிடும் புதிய வழிமுறையை கூகுள் நிறுவனத்தின் ஆராய்ச்சியாளர்கள் உருவாக்கியுள்ளனர்.

Algorithm என்று குறிப்பிடப்படும் இந்த தேடுபொறி வழிமுறை, போட்டோகளில் வாட்டர் மார்க் உள்ளதை அடையாளம் கண்டு அவற்றை நீக்குவது எப்படி என்பதை கம்பியூட்டருக்குக் கற்பிக்கும் விதமாக உருவாக்கப்பட்டிருக்கிறது. இந்த வழிமுறையை சோதனை செய்தபோது துல்லியமாக வாட்டர் மார்க் நீக்கப்பட்ட போட்டோ கிடைக்கிறது என்றும் கூகுள் ஆராய்ச்சியாளர்கள் தெரிவித்துள்ளனர்.

2013ஆம் ஆண்டு கூகுள் தேடலில் பெரும் மாற்றத்தைப் புகுத்திய Hummingbird algorithm க்குப் பிறகு இது கூகுள் தேடலில் குறிப்பிடத்தக்க பெரும் மாற்றத்தை ஏற்படுத்தும் என்று கருதப்படுகிறது. விரைவில் இது பொதுபயன்பாட்டுக்கும் வரும் என்று எதிர்பார்க்கப்படுகிறது.