ஏப்ரல் 9-இல் ஜெ., பரப்புரை தொடக்கம்

சென்னை: தமிழக முதல்வரும், அதிமுக பொது செயலாளருமான ஜெயலலிதாவின் தேர்தல் பரப்புரை திட்டம் வெளியிடப்பட்டுள்ளது.

முதல் கட்டமாக வரும் 9-ஆம் தேதியன்று அதிமுக பொதுச் செயலாளரும், தமிழக முதல்வருமான ஜெயலலிதா சட்டப்பேரவைத் தேர்தல் பரப்புரையை துவக்குகிறார். தனது தொகுதியான ஆர்.கே.நகரில் அன்று ஜெயலலிதா பரப்புரை மேற்கொள்கிறார்.

மே மாதம் 12ம் தேதி வரை அதிமுக வேட்பாளர்கள் மற்றும் கூட்டணி கட்சி வேட்பாளர்களை ஆதரித்து ஜெயலலிதா பிரசாரம் செய்கிறார்.

ஏப்ரல் 11-ஆம் தேதி புவனகிரி, விருத்தாசலம் உள்ளிட்ட இடங்களில் ஜெயலலிதா பிரசாரம் செய்ய உள்ளார். ஏப்ரல் 15-இல் அருப்புக்கோட்டையிலும், 18-ஆம் தேதி காஞ்சிபுரம் மாவட்டதிலும், ஏப்ரல் 23ல் திருச்சியிலும் பிரசாரம் செய்ய உள்ளதாக அதிமுக தலைமை கழகம் அறிவித்துள்ளது.

தமிழகம் முழுவதும் மொத்தமாக 14 நாட்கள் தேர்தல் பரப்புரை செய்யும் ஜெயலலிதா, புதுவையில் ஒரு நாள் பரப்புரை மேற்கொள்கிறார்.