IBPS 2023 தேர்வுக்கான அட்டவணை பட்டியல்! தேர்வு தேதி மற்றும் விவரங்கள் உள்ளே!

Institute of Banking Personnel Selection என்றழைக்கப்படும் வங்கி பணிகளுக்கான தேர்வு மையம் இந்தியாவில் உள்ள பொதுத்துறை வங்கிகள் மற்றும் வட்டார கிராமப்புற வங்கிகளில் PO, SO , கிளெர்க் உள்ளிட்ட பணிகளுக்கான ஆட்களை தேர்வு செய்ய தேர்வுகளை நடத்தி வருகிறது. அதன் 2023ஆம் ஆண்டுக்கான தேர்வு அட்டவணை இந்த மாதம் வெளியாக உள்ள நிலையில் தகவல்கள் வெளியாகியுள்ளன.

என்னென்னெ தேர்வுகள் உள்ளன?

ஐபிபிஎஸ் ஆர்ஆர்பி பிஓ, ஐபிபிஎஸ் ஆர்ஆர்பி கிளெர்க், ஐபிபிஎஸ் பிஓ, ஐபிபிஎஸ் கிளெர்க், ஐபிபிஎஸ் எஸ்ஓ ஆகிய தேர்வுகளுக்கான தகவல்கள் வெளியாகியுள்ளன.

தேர்வு தேதிகள்

தற்காலிகமாக வெளியாகியுள்ள தகவல்களின் படி இந்தாண்டு மேற்குறிப்பிட்ட தேர்வுகளுக்கான தேதிகள் கீழே கொடுக்கப்பட்டுள்ளது. இதையொட்டியே வங்கி பணிகள் தேர்வு மையத்தின் அட்டவணையும் அமையும். வேலைக்காக தயாராவோர் இதை பயன்படுத்தி தயார் நிலையில் இருக்கலாம்.

IBPS RRB தேர்வுகள்

ஐபிபிஎஸ் ஆர்ஆர்பி அலுவலக உதவியாளர், ஆபீசர் ஸ்கேல் 1 மற்றும் 2 & 3 ஆகிய பணிகளுக்கான அறிவிப்பு 2023 ஜூன் மாதம் வெளியாகலாம் என தகவல்கள் வெளியாகியுள்ளது.

இதில் அலுவலக உதவியாளர்(கிளெர்க்) மற்றும் ஆபீசர் 1 (பிஓ) ஆகிய பணிகளுக்கு ஆகஸ்ட் செப்டம்பர் மாதங்களில் ப்ரீலிம்ஸ் தேர்வு நடைபெறும். மேலும், மெயின்ஸ் தேர்வு அக்டோபர் மாதம் நடைபெறும் என தகவல் வெளியாகியுள்ளது. ஆபீசர் 2 மற்றும் 3 நிலை பணிகளுக்கு செப்டம்பர் மாதம் தேர்வு நடைபெறும் என்றும் நிபுணர்கள் தகவல் அளித்துள்ளனர்.

IBPS தேர்வுகள்

ஐபிபிஎஸ் பிஓ பணிக்கு செப்டம்பர் மாதமும், கிளெர்க் பணிக்கு ஜூன் அல்லது ஜூலை மாதத்திலும், எஸ்ஓ பணிக்கு அக்டோபர் மாதத்திலும் அறிவிப்பு வெளியாகலாம் என்று தகவல் வெளியாகியுள்ளது.

இதில் கிளெர்க் பணிகளுக்கு ஆகஸ்ட் அல்லது செப்டம்பரில் ப்ரீலிம்ஸ் தேர்வும், அக்டோபர் மாதம் மெயின்ஸ் தேர்வும் நடைபெறும் என்று நிபுணர்கள் கூறியுள்ளனர். பிஓ மற்றும் எஸ்ஓ ஆகிய பணிகளுக்கு அக்டோபர் மாதம் ப்ரீலிம்ஸ் தேர்வும், நவம்பர் மாதம் மெயின்ஸ் தேர்வும் நடைபெறும் என்றும் தகவல்கள் வெளியாகியுள்ளது.

மேலதிக தகவல்களுக்கு வங்கி பணியாளர் தேர்வு மையத்தின் அதிகாரப்பூர்வ இணையதளத்தை பார்க்கவும்.