வங்கிப் பணிக்கான IBPS தேர்வு முடிவுகள் ஒத்தி வைப்பு!

கொரோனா வைரஸ் பாதிப்பு காரணமாக ஐபிபிஎஸ் தேர்வாணையம் வெளியிட இருந்த PO, SO, Clerk பதவிகளுக்கான தேர்வு முடிவுகள் ஒத்தி வைக்கப்பட்டுள்ளது. புதிய தேர்வு தேதி விவரங்கள் பின்னர் அறிவிக்கப்படும் என்றும் தெரிவிக்கப்பட்டுள்ளது.

இது தொடர்பாக ஐபிபிஎஸ் தேர்வாணையத்தின் அதிகாரப்பூர்வ இணையதளமான www.ibps.in பக்கத்தில் அறிவிக்கை வெளியாகியுள்ளது. அதன்படி, COVID-19 எனப்படும் கொரோனா வைரஸ் பாதிப்பு காரணமாக கீழ்கண்ட தேர்வு முடிவுகள், புரோபஷனல் அலோட்மெண்ட் ஆகியவை ஒத்தி வைக்கப்படுகிறது. CRP –PO/MT -VIII, CRP- CLERKS- VIII and CRP –Specialist Officers- VIII.

புதிய தேதி விவரங்கள் பின்னர் அறிவிக்கப்படுகிறது. எனவே, மேற்கண்ட SO, PO, Clerk பதவிக்கு தேர்வு எழுதியவர்கள் தொடர்ந்து IBPS இணையதளத்தை பார்வையிடுமாறு அறிவுறுத்தப்படுகிறார்கள். இது தொடர்பான முழுமையான விவரங்களுக்கு ibps.in இணையதளத்தில் வெளியான அறிவிக்கையைப் பார்க்கவும்.