எஸ்பிஐ வங்கியில் சிறப்பு அதிகாரி பணிக்கு விண்ணப்பங்கள் வரவேற்பு SBI Recruitment 2019

பாரத ஸ்டேட் வங்கியில் சிறப்பு அதிகாரி பணியிடங்களை நிரப்புவதற்கு விருப்பமும் தகுதியும் உள்ளவர்களிடம் இருந்து விண்ணப்பங்கள் வரவேற்கப்படுகிறது. இதற்கு யார் யார் விண்ணப்பிக்கலாம். என்ன படித்திருக்க வேண்டும் என்பது பற்றி இங்கு பார்க்கலாம்.

இந்தியாவில் மிக அதிக கிளைகளுடன் செயல்படும் பொதுத்துறை வங்கியாக, பாரத ஸ்டேட் வங்கி செயல்பட்டு வருகிறது. இதில் அக்டோபர் 15 ஆம் தேதி புதிதாக வேலைவாய்ப்பு அறிவிப்பு www.sbi.co.in இணையதளத்தில் வெளியிடப்பட்டுள்ளது. அதன்படி, SBI Specialist Cadre Officer அதாவது, சிறப்பு அதிகாரி பணிக்கு விண்ணப்பங்கள் வரவேற்கப்படுகிறது.

TN Rural Development: தமிழ்நாடு ஊராட்சித்துறையில் வேலை!
இந்த SBI Specialist Cadre Recruitment வேலைவாய்ப்பானது முழுக்க முழுக்க தற்காலிக பணியிடங்கள் ஆகும். ஒப்பந்த அடிப்படையில் நிரப்பப்படுகிறது. இருப்பினும், பணி பொறுத்து ஒப்பந்த காலத்தை நீட்டிக்கச் செய்யவும் வாய்ப்புகள் உள்ளது. மேனேஜர், சீனியர் ஸ்பெஷல் எக்ஸிக்யூட்டிவ் என மொத்தம் 16 துறைகளில் காலியிடங்கள் உள்ளது.

TN Cooptex Jobs: தேர்வுகள் இல்லை.. 8ம் வகுப்பு போதும், தமிழக அரசு வேலை!

மேனேஜர் பதவிக்கு விண்ணப்பிக்கும் விண்ணப்பதாரர்கள் எம்பிஏ படித்திருக்க வேண்டும். சில சிறப்பு அதிகாரி பிரிவுக்கு மட்டும் மூன்றாண்டு பட்டப்படிப்பு படித்தவர்கள் விண்ணப்பிக்கலாம் குறைந்தபட்சம் 25 வயது முதல் அதிகபட்சம் 37 வயதுக்கு உட்பட்டவராக இருக்க வேண்டும். பதவிக்கு ஏற்றாற் போல் வயது வரம்பு மாறுபடுகிறது..

எழுத்துத் தேர்வு, நேர்முகத் தேர்வு, சான்றிதழ் சரிபார்ப்பு ஆகியவற்றின் மூலம் விண்ணப்பதாரர்கள் தேர்வு செய்யப்படுவார்கள். அவர்கள் மும்பையில் செயல்பட்டு வரும் எஸ்.பி.ஐ வங்கிகளில் பணியமர்த்தப்படுவார்கள்.

குரூப் 2 புதிய பாடத்திட்டத்தில் மீண்டும் மாற்றம்? TNPSC திடீர் ஆலோசனைக் கூட்டம்!

நிர்வாகம்: பாரத ஸ்டேட் வங்கி
அமைப்பு: மத்திய அரசு
பணி முறை: தற்காலிகம்
அதிகாரப்பூர்வ இணையதளம்: www.sbi.co.in
பணியிடம்: மும்பை மற்றும் மற்ற சில மாநிலங்கள்.
கல்வி தகுதி: இளநிலை பட்டம், முதுநிலை பட்டம்

விண்ணப்பப்பதிவு தொடங்கிய நாள்: 15 அக்டோபர் 2019
விண்ணப்பிக்கக் கடைசி நாள்: 6 நவம்பர் 2019
விண்ணப்பிக்கும் முறை: ஆன்லைன்
ஆன்லைன் முகவரி: www.sbi.co.in
அதிகார்ப்பூர்வ அறிவிப்பு:https://recruitment.bank.sbi/crpd-sco-2019-20-16/apply

இந்த பணிக்கான கல்வித்தகுதி, காலியிடங்கள் பற்றிய முழுமையான விபரங்களுக்குப் பாரத ஸ்டேட் வங்கியின் அதிகாரப்பூர்வ அறிவிப்பைப் பார்க்கவும்:
https://www.sbi.co.in/webfiles/uploads/files/careers/14102019Website%20Detailed%20Advertisement%20SCO-2019-20-16.pdf