கல்பாக்கம் அணுசக்தி ஆராய்ச்சி மையத்தில் வேலை

காஞ்சிபுரம் மாவட்டம் கல்பாக்கம் பாபா அணுசக்தி ஆராய்ச்சி மையம் மற்றும் அணுக்கரு மறுசுழற்சி வாரியம் உள்ளது. இங்கு காலியாக உள்ள பல்வேறு பணியிடங்களை நிரப்புவதற்கான அறிவிப்பு வெளியிடப்பட்டுள்ளது.

தகுதியும் விருப்பமும் கொண்டவர்கள் https://recruit.barc.gov.in என்ற இணையதளத்தின் மூலம் வரும் ஆகஸ்ட் 7ஆம் தேதிக்குள் விண்ணப்பிக்கலாம்.

மொத்தம் 47 காலியிடங்கள் உள்ளன. Plant Operator (07), 2. Laboratory Assistant (04), Fitter (12), Welder (02), Turner (01), Electrician (04), Instrument Mechanic (08), Electronic Mechanic (04), A/C Mechanic (01) என 9 பணிகளுக்கான ஆள் சேர்ப்பு நடக்க உள்ளது.

இது தவிர நேரடி தேர்வு மூலம் டெக்னீசியன் பணிக்கு நான்கு பேர் தேர்வு செய்யப்பட உள்ளனர். Technician/C (Boiler Operator) பணிக்கு மூன்று பேர் மற்றும் Technician/B (Painter) பணிக்கு ஒருவர் வீதம் இந்த நேர்முகத் தேர்வில் தேர்வு செய்யப்படுவர்.


இந்தப் பணிகளுக்கு விண்ணப்பிக்க 07.08.2019 அன்று 18 முதல் 25 வயதிற்குள் உள்ளவராக இருக்க வேண்டும். பணி தொடர்பான பிரிவில் ஐடிஐ படிப்பை முடித்து தொழில்பழகுநர் பயிற்சியும் முடித்திருக்க வேண்டும்.

Stipendiary Trainees பணிகளுக்கு முதல் ஆண்டு மாதம் ரூ.10,500 சம்பளம் தரப்படும். இரண்டாம் ஆண்டு முதல் ரூ.12,500 மாதாந்திர ஊதியமாக வழங்கப்படும். Technician - C பணிக்கு மாதச் சம்பளம் ரூ.25,500 ஆகும். Technician -B பணிக்கு மாதம் ரூ. 21700 சம்பளம்.

முதல்நிலைத் தேர்வு, துறைவாரியான தேர்வு மற்றும் திறன் தேர்வு ஆகியவை அடிப்படையில் தகுதியானவர்கள் அந்தத் பணிகளுக்கு தேர்வு செய்யப்படுவார்கள்.

விண்ணப்பக் கட்டணமாக பொது மற்றும் ஓபிசி பிரிவைச் சேர்ந்தவர்கள் 100 ரூபாய் செலுத்த வேண்டும். எஸ்சி/எஸ்டி பிரிவினர், மாற்றுத்திறனாளிகள், முன்னாள் ராணுவத்தினர் ஆகியோர் கட்டணம் செலுத்த வேண்டியதில்லை.

இந்த வேலை வாய்ப்பைப் பற்றிய இன்னும் அதிகமான விவரங்களைத் தெரிந்துகொள்ள www.barc.gov.in என்ற இணையதளத்தைப் பார்வையிடலாம். அல்லது http://barc.gov.in/careers/vacancy427.pdf என்ற இணைப்பை கிளிக் செய்து அதிகாரப்பூர்வ அறிவிப்பைப் பார்க்கலாம்.