பெல் எலக்ட்ரிக்கல்ஸ் நிறுவனத்தில் அப்ரண்டிஸ் வேலை!

Bharat Heavy Electricals Limited (BHEL) நிறுவனத்தில் இருந்து அப்ரண்டிஸ் பயிற்சி பணிக்கான அறிவிக்கை வெளியாகியுள்ளது. அதன்படி, B.E / B.Tech / Diploma முடித்தவர்கள் இந்த அப்ரண்டிஸ் பயிற்சி பணிக்கு விண்ணப்பிக்கலாம். இன்ஜினியரிங் பட்டதாரிகளுக்கு 138 காலியிடங்களும், டிப்ளமோ படித்தவர்களுக்கு 91 காலியிடங்களும் உள்ளது.

காலியிடங்கள்:
கெமிக்கல், சிவில், கம்ப்யூட்டர், எலெக்ட்ரிக்கல், EEE, ETE, இன்ட்ஸ்ட்ரியல், இன்ஸ்ட்ருமென்டேசன், மெக்கானிக்கல், மெட்டலர்ஜரி, மாடர்ன் ஆபீஸ் மேனேஜ்மென்ட் ஆகிய துறைகளில் காலியிடங்கள் உள்ளது.

கல்வித்தகுதி:
விண்ணப்பதாரர்கள் அந்தந்த துறையில் டிப்ளமோ அல்லது பி.இ அல்லது பி.டெக் முடித்திருக்க வேண்டும். இன்ஜினியரிங் படிப்பில் 70 சதவீத மதிப்பெண்கள் பெற்றிருக்க வேண்டும். SC ST பிரிவினர் 60 சதவீத மதிப்பெண் பெற்றிருந்தால் போதுமானது.

வயது வரம்பு:
விண்ணப்பதாரர்கள் அதிகபட்சமாக 25 வயதுக்கு உட்பட்டவராக இருக்க வேண்டும். அரசு விதிமுறைகளின்படி, SC/ ST பிரிவினருக்கு 5 ஆண்டுகள், OBC பிரிவினருக்கு 3 ஆண்டுகள் வயது வரம்பில் தளர்வு அளிக்கப்படுகிறது. மாற்றுத்திறனாளிகளுக்கு 10 ஆண்டுகள் வரையில் உச்சவயது வரம்பில் தளர்வு அளிக்கப்படுகிறது.

உதவித்தொகை:
பொறியியல் பட்டப்படிப்பு முடித்தவர்களுக்கு மாதம் ரூ.9,000 தொகுப்பூதியமும், டெக்னீசியன் அப்ரண்டிஸ்க்கு மாதம் ரூ.8,000 தொகுப்பூதியமும் நிர்ணயிக்கப்பட்டுள்ளது.

இந்த பயிற்சி பணியில் சேருவதற்கு மேற்கண்ட தகுதி பெற்றவர்கள், www.mhrdnats.gov.in என்ற இணையதளத்தில் வரும் 12ம் தேதிக்குப் பிறகு விண்ணப்பம் பெற்று, அதனை பூர்த்தி செய்து ஏப்ரல் 3ம் தேதிக்குள் கிடைக்குமாறு அனுப்ப வேண்டும். இது பற்றிய முழுமையான விபரங்களுக்கு பெல் நிறுவனத்தின் அதிகாரப்பூர்வ விளம்பரத்தைப் பார்க்கவும்.
bharat heavy electricals limited invites application for graduate technician apprentice post recruitment 2020 Notification