இஸ்ரோவில் ஆராய்ச்சியாளர் பணி தேர்வுக்கான ஹால் டிக்கெட் வெளியீடு!

Indian Space Research Organisation எனப்படும் இஸ்ரோ நிறுவனத்தில் ஆராயச்சியாளர் பணிக்கான தேர்வு வரும் 12 ஆம் தேதி நடைபெறுகிறது. இதற்கான ஹால் டிக்கெட் ISRO Admit Card 2020 தற்போது வெளியிடப்பட்டுள்ளது.

இஸ்ரோ நிறுவனத்தில் காலியாக உள்ள 327 ஆராய்ச்சியாளர் பணியிடங்களை நிரப்புவதற்கான அறிவிக்கை கடந்த அக்டோபர் 15 ஆம்தேதி வெளியிடப்பட்டது. அதன்படி, பி.இ, பி.டெக் அல்லது அதற்கு இணையான படிப்பு முடித்தவர்களிடம் இருந்து விண்ணப்பங்கள் கோரப்பட்டது. இதற்கான விண்ணப்பப்பதிவு 15 அக்டோபர் முதல் 4 நவம்பர் வரையில் நடைபெற்றது.

இந்த நிலையில், வரும் 10 ஆம் தேதி இஸ்ரோ ஆராய்ச்சியாளர் பணிக்கான தேர்வு நடைபெறுகிறது. இதறக்கான ஹால் டிக்கெட் தற்போது இணையதளத்தில் வெளியிடப்பட்டுள்ளது. ISRO Scientist தேர்வுக்கு விண்ணப்பித்தவர்கள், தங்களுக்கான ஹால் டிக்கெட்டை isro.gov.in என்ற இணையதளத்தில் இருந்து பதிவிறக்கம் செய்து கொள்ளலாம்.

தேர்வு மையங்கள்:
சண்டிகார், சென்னை, குவாதி, ஹைதராபாத், கொல்கத்தா, லக்னோ, மும்பை, டெல்லி, திருவனந்தபுரம் ஆகிய நகரங்கில் தேர்வு மையங்கள் அமைக்கப்பட்டுள்ளது.

ISRO Admit Card 2020 ஆன்லைனில் பெறும் முறை:
படி 1: முதலில் விண்ணப்பதாரர்கள் isro.gov.in என்ற இணையதளத்துக்குச் செல்ல வேண்டும்.
படி 2: முகப்பு பக்கத்தில் ISRO Careers என்று குறிப்பிடப்பட்டிருக்கும். அதனை க்ளிக் செய்து ISRO Admit Card 2020 என்ற லிங்கை தேர்வு செய்யவும்.
படி 3: இப்போது ISRO Admit Card 2020 அடங்கிய பக்கம் திறக்கப்படும். அதில் விண்ணப்பதாரர்கள் தங்களுடைய பதிவு எண், பிறந்த தேதி, பாதுகாப்பு குறியீடு(Captcha Code) ஆகியவற்றை எண்டர் செய்ய வேண்டும்.
படி 4: ISRO Admit Card 2020 பதிவிறக்கம் செய்து கொள்ளலாம்.

ஹால் டிக்கெட் இல்லாதவர்கள் தேர்வு எழுத அனுமதிக்கப்பட மாட்டார்கள். எனவே, தவறாமல் ISRO தேர்வுக்கு ஹால்டிக்கெட்டை பிரிண்ட் அவுட் எடுத்து கொண்டு செல்லும்படி அறிவுறுத்தப்படுகிறார்கள். மேலும், ISRO Admit Card 2020 இல் பெயர், புகைப்படம், தேர்வு மையம் உள்ளிட்ட விவரங்கள் சரியாக உள்ளதா என்பதை சரிபார்த்துக்கொள்ளவும்.