சென்னனை மத்திய அரசு நிறுவனத்தில் தொழில்நுட்ப உதவியாளர் வேலை! விண்ணப்பிக்க நாளை கடைசி நாள்!!

NIE Chennai Recruitment 2019: மத்திய அரசின் ஆளுகைக்கு உட்பட்டு சென்னையில் செயல்பட்டு வரும் தேசிய பரவு நோயியல் நிறுவனத்தில் தொழில்நுட்ப உதவியாளர் பணிக்கு விண்ணப்பங்கள் வரவேற்கப்படுகிறது. இந்த பணியில் சேருவதற்கு என்னென்ன படித்திருக்க வேண்டும், எப்படி விண்ணப்பிக்க வேண்டும் என்பது குறித்த விபரங்களை இங்கு காணலாம்.

இது தொடர்பாக தேசிய பரவு நோயியல் நிறுவனத்தின் அதிகாரப்பூர்வ இணையதளத்தில் nie.gov.in வேலைவாய்ப்பு அறிவிக்கை வெளியிடப்பட்டுள்ளது. அதன்படி, ஒரு வருட ஒப்பந்த அடிப்படையில் மொத்தம் 50 பேர் தேர்வு செய்யப்படுகின்றனர். அறிவியல் துறையில் பட்டப்படிப்பு முடித்தவர்கள், முதுநிலைப் பட்டம் பெற்றவர்கள் இந்த பணிக்கு விண்ணப்பிக்கலாம். விண்ணப்பதாரர்கள் 30 வயதுக்கு உட்பட்டவராக இருக்க வேண்டும். குறிப்பிட்டவர்களுக்கு வயது வரம்பில் தளர்ச்சி உண்டு. தேர்வு செய்யப்படும் விண்ணப்பதாரர்களுக்கு மாதம் 31 ஆயிரம் ரூபாய் தொகுப்பூதியம் வழங்கப்படும். பணி திறமை பொருத்து ஒரு வருட ஒப்பந்தம் என்பது நீட்டிப்பு செய்யப்படலாம்.

இஸ்ரோவில் தொழில்நுட்ப உதவியாளர் பணிக்கு வேலைவாய்ப்பு! உடனே விண்ணப்பியுங்கள்!!

இந்த பணிக்கு தகுதியும் விருப்பமும் உள்ளவர்கள் http://nie.gov.in/ என்ற தளத்தில் விண்ணப்பம் பெற்று, அதனை பூர்த்தி செய்து, செப்டம்பர் 23ம் தேதிக்குள் கீழ்கண்ட முகவரிக்கு கிடைக்கும் வகையில் அனுப்பி வைக்க வேண்டும்.

விண்ணப்பங்கள் அனுப்ப வேண்டிய முகவரி:
The Director,
ICMR-National Institute of Epidemiology,
2 nd Main Road, Tamil Nadu Housing Board,
Ayapakkam,
Chennai – 600 077

(தூத்துக்குடியில் அரசு வேலை: TNPSC படிப்பவர்கள் விண்ணப்பிக்கலாம்..)

விண்ணப்பங்கள் பரிசீலனை செய்யப்பட்டு, தேர்வுக்கு தகுதியுடையவர்கள் அழைக்கப்படுவார்கள். அவர்களுக்கு நேர்முகத்தேர்வு நடைபெறும் இடம், நேரம் உள்ளிட்ட விபரங்கள் இமெயில் மூலம் அனுப்பப்படும். நேரடியாக விண்ணப்பத்தை பதிவிறக்கம் செய்ய இங்கு க்ளிக் செய்யவும். இது பற்றிய முழுமையான விபரங்களுக்கு தேசிய பரவு நோயியல் நிறுவனத்தின் அதிகாரப்பூர்வ அறிவிப்பைப் பார்க்கவும்:

http://nie.gov.in/images/careers/IHCI_TA_Final_Advt_for_web_156.pdf

DRDO பாதுகாப்பு ஆராய்ச்சித்துறையில் பயிற்சியுடன் கூடிய வேலைவாய்ப்பு!