SBI Clerk Prelims 2019: எஸ்பிஐ கிளார்க் தேர்வு முடிவுகள் வெளியாகும் உத்தேச தேதி

எஸ்பிஐ வங்கி கிளரிக்கல் எனப்படும் ஜூனியர் அசோசியேட் பணிக்கான முதல்நிலை தேர்வு முடிவுகள் இன்னும் சில தினங்களில் வெளியாக உள்ளது.

எஸ்பிஐ வங்கி கிளரிக்கல் எனப்படும் ஜூனியர் அசோசியேட் (கஸ்டர்மர் சப்போர்ட் & சேல்ஸ்) பணியிடங்களுக்கான அதிகாரப்பூர்வ அறிவிப்பு கடந்த ஏப்ரல் மாதம் வெளியானது. பொத்துறை வங்கிகளில் ஆட்சேர்ப்புகான தேர்வுகளை நடத்தும் ஐபிபிஸ் அமைப்பு இத்தேர்வை நடத்துகிறது.

இத்தேர்வு முதல்நிலை (preliminary) தேர்வு மற்றும் பிரதானத் (main) தேர்வு என இரண்டு கட்டமாக தேர்வு நடைபெறும். இத்தேர்வுக்கு விண்ணப்பிக்கும் அவகாசம் ஏப்ரல் 12ஆம் தேதி தொடங்கி, மே 3ஆம் தேதியுடன் முடிந்தது. பின் ஜூன் 22 மற்றும் 23ஆம் தேதிகளில் முதல்நிலை தேர்வு நடைபெற்றது.

இந்நிலையில், முதல்நிலைத் தேர்வுக்கான முடிவுகள் ஜூலை 20 முத 25 தேதிகளுக்குள் வெளியாகக் வாய்ப்பு உள்ளதாகத் தெரிகிறது. முதல்நிலைத் தேர்வு எழுதியவர்கள் ஐபிபிஎஸ் இணையதளத்திற்குச் சென்று தேர்வு முடிவுகளைப் பார்க்கலாம்.

முதன்நிலைத் தேர்வுக்குப் பின் நடக்கும் மெயின் தேர்வுக்கான தேதி இன்னும் அறிவிக்கப்படவில்லை. ஆகஸ்ட் 10ஆம் தேதி நடைபெறலாம் என கூறப்படுகிறது.

எஸ்பிஐ வங்கி கிளரிக்கல் தேர்வு மூலம் ஜூனியர் அசோசியேட் பணிக்கு 8653 பேருக்கு மேல் தேர்வு செய்யப்பட உள்ளனர். வெற்றிகரமாகத் தேர்வாகும் நபர்களுக்கு ரூ.13,075 முதல் ரூ.31,450 வரை சம்பளம் வழங்கப்படும்.