எச்சரிக்கை.. RRB NTPC தேர்வு தேதி, ஹால்டிக்கெட் உண்மையில் வெளியாகியுள்ளதா?

RRB NTPC தேர்வு எப்போது நடைபெறும், ஹால்டிக்கெட் எப்போது வெளியிடப்படும் என்ற விபரங்கள் அடங்கிய ஆர்.ஆர்.பி அறிக்கை ஒன்று சமூகவலைதளங்களில் வைரலாக பரவி வருகிறது. இதன் உண்மைத் தன்மையை இங்கு காணலாம்.

டி.என்.பி.எஸ்.சி மூலம் புதிய வேலைவாய்ப்பு! இன்ஜினியரிங் முடித்தவர்கள் விண்ணப்பிக்கலாம்!!

இந்திய ரயில்வே துறையில் தொழில்நுட்பம் அல்லாத பணிகளுக்காக சுமார் 35 ஆயிரம் காலியிடங்கள் நிரப்பப்படுவதாக ரயில்வே தேர்வு வாரியம் (RRB) அறிவித்திருந்தது. இதற்கான அறிவிக்கை 2019 மார்ச் மாதம் தொடக்கத்தில் வெளியிடப்பட்டது. தற்போது 2020 ஆம் ஆண்டு வந்து விட்டது ரயில்வே தேர்வு வாரியம் அறிவிப்பின்படி, கடந்த செப்டம்பர் மாதம் தேர்வு விபரங்கள் வெளிவந்திருக்க வேண்டும். ஆனால், இதுவரையில் தேர்வு பற்றி எந்தவொரு அறிவிப்பும் வெளிவரவில்லை.

இந்த நிலையில், தற்போது RRB NTPC தேர்வு வரும் மார்ச் மாதம் நடைபெற உள்ளதாக நோட்டீஸ் அறிக்கை ஒன்று வாட்ஸ்அப், ஃபேஸ்புக்கில் வைரலாகி வருகிறது. ஆனால், ரயில்வே தேர்வு வாரியத்தின் அதிகாரப்பூர்வ இணையதள பக்கத்தில் எந்த ஒரு அறிக்கையும் வெளிவரவில்லை. இதனால், சமூக வலைதளங்களில் பரவி வரும் RRB NTPC Notice உண்மையா, போலியா என்ற சந்தேகம் விண்ணப்பதாரர்களுக்கு குழப்பத்தை ஏற்படுத்தியுள்ளது.

இஸ்ரோ நிறுவனத்தில் டிகிரி, டிப்ளமோ, பி.இ, பி.டெக் முடித்தவர்களுக்கு வேலைவாய்ப்பு!

இது தொடர்பாக வெளிவந்த அதிகாரப்பூர்வ செய்திகளின்படி, ரயில்வே தேர்வு வாரியம் RRB NTPC தேர்வு பற்றி எந்த அறிவிக்கையும் வெளியிடவில்லை என்பது உறுதியாகியுள்ளது. எனவே, விண்ணப்பதாரர்கள் போலியான அறிக்கை மற்றும் வேலைவாய்ப்பு செய்திகளை நம்பி ஏமாற வேண்டாம் என்று அறிவுறுத்தப்படுகிறார்கள். ரயில்வே தேர்வு வாரியத்தின் அதிகாரப்பூர்வ இணையதளம் http://www.rrbchennai.gov.in/ http://www.rrbcdg.gov.in/ ஆகும். எனவே, எந்தவொரு அறிவிப்பு வெளியானாலும், விண்ணப்பதாரர்கள் இந்த இணையதளங்களுக்குச் சென்று சரிபார்த்துக் கொள்ளவும்.