சென்னை மாற்றுத்திறனாளிகள் மேம்பாட்டு நிறுவனத்தில் வேலை!

சென்னையில் செயல்பட்டு வரும் ‘ஒன்றுக்கும் மேற்பட்ட ஊனமுற்றோரின் மேம்பாட்டிற்கான தேசிய நிறுவன’த்தில் காலியாக உள்ள கிளினிக்கல் அசிஸ்டெண்ட் பணிக்கு விண்ணப்பங்கள் வரவேற்கப்படுகிறது.

மத்திய அரசின் சமூக நீதி மற்றும் அதிகாரம் வழங்கல் அமைச்சகத்தின் ஆளுகைக்கு உட்பட்டு, சென்னையில் ‘ஒன்றுக்கும் மேற்பட்ட ஊனமுற்றோரின் மேம்பாட்டிற்கான தேசிய நிறுவனம்’ செயல்பட்டு வருகிறது. இந்த நிறுவனத்தில் ஜூனியர் மற்றும் சீனியர் கிளிக்கல் அசிஸ்டெண்ட் பணிக்கு ஆட்தேர்வு நடைபெறுகிறது. இந்த பணியில் சேருவதற்கு விருப்பமும் தகுதியும் உள்ளவர்கள் நேரடியாக நேர்முகத் தேர்வில் பங்கேற்கலாம்.

10,12ம் வகுப்பு போதும்.. பாதுகாப்பு ஆராய்ச்சித் துறையில் வேலை..!
பதவி 1: சீனியர் கிளினிக்கல் அசிஸ்டெண்ட்
காலியிடங்கள்: 1
கல்வித்தகுதி: முதுநிலை பட்டம் மற்றும் MD/ASD/ID ஆகியவற்றில் M.Ed படிப்பு முடித்திருக்க வேண்டும்.
சம்பளம்: மாதம் 28 ஆயிரம் ரூபாய் வரையில் ஊதியம் வழங்கப்படுகிறது.

பதவி 2: ஜூனியர் கிளினிக்கல் அசிஸ்டெண்ட்
காலியிடங்கள்: 1
கல்வித்தகுதி: MD/ASD/ID ஆகியவற்றுடன் கூடிய M.Ed படிப்பு. அல்லது அதே பிரிவில் B.Ed படிப்பும் இரண்டு ஆண்டுகள் பணி அனுபவமும் பெற்றிருக்க வேண்டும்.
சம்பளம்: மாதம் 24 ஆயிரம் ரூபாய் வரையில் ஊதியம் வழங்கப்படும்

மேற்கண்ட பணியிடங்கள் 89 நாட்களுக்கு மட்டும் என தற்காலிகமாகவே நிரப்பப்படுகிறது. திட்ட நிலவரத்தைப் பொறுத்து ஒப்பந்த நாட்களை கூட்டவோ, குறைக்கவோ வாய்ப்புகள் உள்ளது.

நபார்டு வங்கியில் உதவியாளர் பணிக்கு வேலைவாய்ப்பு!

மேற்கண்ட பணியில் சேருவதற்கு தகுதியும் விருப்பமும் உள்ளவர்கள் http://niepmd.tn.nic.in என்ற இணையதளத்தில் விண்ணப்பம் பெற்று, அதனை பூர்த்தி செய்து, செப்டம்பர் 30ம் தேதி நடைபெற்றும் நேர்முகத்தேர்வில் பங்கேற்கலாம். நேர்முகத்தேர்வின் போது அசல் சான்றிதழ், அத்தாட்சி பெற்ற சான்றிதழர், அடையாள அட்டை, இரண்டு பாஸ்போர்ட் சைஸ் போட்டோ ஆகியவற்றை எடுத்து வரவும். நேர்முகத் தேர்வு நடைபெறும் இடம்: Room No. 29, Dept. of Special Education, Ist floor of the main building, NIEPMD, DEPwD, MSJ&E, GOI, Muttukadu, Chennai - 603 112.

இது பற்றிய முழுமையான விபரங்களுக்கு ஒன்றுக்கும் மேற்பட்ட ஊனமுற்றோரின் மேம்பாட்டிற்கான தேசிய நிறுவன’த்தின் அதிகாரப்பூர்வ அறிவிப்பைப் பார்க்கவும்:
http://niepmd.tn.nic.in/documents/recruitment_2919_100919.pdf